തണ്ണീർ പന്തൽ മാറഞ്ചേരി - ആടിലൂടെ ആദായം പദ്ധതി ആടു വിതരണം നടത്തി .

തണ്ണീർ പന്തൽ മാറഞ്ചേരി - ആടിലൂടെ ആദായം പദ്ധതി 

ആടു  വിതരണം നടത്തി . 

താത്കാലിക സഹായത്തിനപ്പുറം അശരണരർക്ക് ഒരു സുസ്ഥിര വരുമാനം ലഭ്യമാക്കുന്നതിന്റെ ഭാഗമായി  യു എ യിലെ മാറഞ്ചേരി കൂട്ടായ്മയായ തണ്ണീർ പന്തൽ തുടങ്ങിയ "ആടിലൂടെ ആദായം" പദ്ധതിയുടെ എട്ടാം ഘട്ട ആട്  വിതരണം നടന്നു. 2016ൽ തുടങ്ങിയ പദ്ധതി ഇത് വരെ 60 കുടുംബങ്ങൾക്ക് ആടും കൂടും നൽകി. മാറഞ്ചേരി പഞ്ചായത്തിലെ തികച്ചും അർഹരായ ആളുകൾക്ക്, അതിൽ വിധവകൾക്ക് മുൻഗണന നൽകിയാണ് ഈ പദ്ധതി മുന്നോട്ടു പോകുന്നത്. ലഭിക്കുന്ന അപേക്ഷകളിൽ നിന്നും അർഹരെ കണ്ടെത്തി അവർക്കു ഒരു ആടും  കൂടും നൽകുകുയും , ശേഷം ആട് പ്രസവിച്ചാൽ ആറു  മാസത്തിനു ശേഷം ഒരു കുട്ടിയെ തിരിച്ചെടുത്തു പുതിയൊരു ഗുണഭോക്താവിനു നൽകുന്നതാണ് പദ്ധതി.

ഒരു ആട്ടിൻകുട്ടിയെ തിരിച്ചെടുത്താൽ പിന്നെ ആ ഗുണഭോക്താവുമായുള്ള കരാർ അവസാനിക്കുന്നു. 2004 ൽ ദുബായിൽ തുടക്കം കുറിച്ച തണ്ണീർ പന്തൽ ഇന്ന് യു എ ഇയിൽ ദുബായ് കൂടാതെ അബു ദാബി , ഷാർജ & നോർത്തേൺ എമിറേറ്റ് എന്നീ മൂന്ന് ഘടകങ്ങളായി പ്രവർത്തനം തുടരുന്നു. കോവിഡ് സമയത്തു ഷാർജയിൽ നിന്നും ഒരു വിമാനം ചാർട്ട് ചെയ്തു സൗജന്യമായും, കുറഞ്ഞ  നിരക്കിലും ആളുകളെ നാട്ടിലെത്തിച്ചു തണ്ണീർ പന്തൽ മാതൃകയായിരുന്നു.