മുന്നേറുക നന്മയുടെ പാതയിൽ ഖുർആൻ സമ്മേളനം ഏപ്രിൽ 9 ന്

മുന്നേറുക നന്മയുടെ പാതയിൽ ഖുർആൻ സമ്മേളനം ഏപ്രിൽ 9 ന്

മാറഞ്ചേരി: മുന്നേറുക നന്മയുടെ പാതയിൽ എന്ന തലക്കെട്ടിൽ ജമാഅത്തെ ഇസ്‌ലാമി മാറഞ്ചേരി ഏരിയ സംഘടിപ്പിക്കുന്ന ഖുർആൻ സമ്മേളനം ഏപ്രിൽ 9 ന് ഞായറാഴ്ച കാലത്ത് 9.30 മുതൽ മാറഞ്ചേരി അരുണോദയം റീജൻസിയിൽ നടക്കുമെന്ന് ഭാരവാഹികൾ വാർത്താ സമ്മേളനത്തിൽ പറഞ്ഞു. ഖുർആൻ സമ്മേളനം ജമാഅത്തെ ഇസ്‌ലാമി കേരള സെക്രട്ടറി ഷിഹാബ് പൂക്കോട്ടൂർ ഉദ്ഘാടനം ചെയ്യും. ജില്ലാ സെക്രട്ടറി എം.സി. നസീർ അധ്യക്ഷതവഹിക്കും. ജമാഅത്തെ ഇസ്‌ലാമി കേന്ദ്ര പ്രതിനിധി സഭാ അംഗം സി.വി. ജമീല, കുണ്ടുകടവ് ഹിറാ മസ്ജിദ് ഖത്തീബ് നിഅമത്തുല്ല, ഏരിയാ പ്രസിഡന്റ് എ.സൈനുദ്ധീൻ എന്നിവർ പങ്കെടുക്കും.

ഖുർആൻ സമ്മേളനത്തിൽ വെച്ച് പ്രമുഖ പണ്ഡിതനും ഗ്രന്ഥകാരനും വിവർത്തകനും പ്രസിദ്ധ ഖുർആൻ വ്യാഖ്യാന ഗ്രന്ഥമായ "ഖുർആൻ ബോധന" ത്തിന്റെ കർത്താവുമായ മാറഞ്ചേരിക്കാരനായ ടി.കെ. ഉബൈദിന് ആദരവ് നൽകുമെന്നും ഭാരവാഹികൾ പറഞ്ഞു.

പത്രസമ്മേളനത്തിൽ ജമാഅത്തെ ഇസ്‌ലാമി മാറഞ്ചേരി ഏരിയാ പ്രസിഡന്റ് എ. സൈനുദ്ധീൻ , സെക്രട്ടറി ജമാൽ മണമൽ , P ഇബ്രാഹിം, C മുഹമ്മദ്, N മുഹമ്മദ്   എന്നിവർ പങ്കെടുത്തു.