മാറഞ്ചേരി പരിച്ചകം റോഡിലെ ഓട്ടോ റിക്ഷാ പാർക്കിങ്ങ് മാറ്റുന്നു.
മാറഞ്ചേരി പരിച്ചകം റോഡിലെ ഓട്ടോ റിക്ഷാ പാർക്കിങ്ങ് മൂലമുള്ള ഗതാഗത കുരുക്കിന് പരിഹാരമാകുന്നു.
മാറഞ്ചേരി സെന്ററിൽ തിരക്ക് സമയത്ത് ഉണ്ടാകാറുള്ള ട്രാഫിക്ക് ബ്ലോക്കിന് പ്രധാനകാരണമായി നിരവധി പരാതികൾ കേട്ടിരുന്ന പ്രധാന പ്രശ്നമായിരുന്നു സെന്ററിൽ നിന്നും പരിച്ചകം റോഡ് സൈഡിൽ പാർക്ക് ചെയ്തു വരുന്ന ഓട്ടോ സ്റ്റാന്റ്.
രാവിലേയും വൈകുന്നേരങ്ങളിലും സ്കൂൾ ബസ്സുകളും കാറുകളും ബൈക്കുകളും പല ഭാഗത്തു നിന്നും വന്നാൽ പല സമയത്തും വലിയ ഗതാഗത കുരുക്ക് നേരിട്ടിരുന്നു.
ഇതിന് പരിഹാരമായി ഇന്ന് മാറഞ്ചേരി പഞ്ചായത്തിൽ ചേർന്ന സർവ്വകക്ഷി യോഗത്തിൽ പരിച്ചകം റോഡിൽ നിന്നും 12 ഓട്ടോറിക്ഷകൾ മെയിൻ റോഡിൽ മന്നിങ്ങയിൽ ഷോപ്പിങ്ങ് കോംപ്ലക്സിന്റെ മുൻവശത്ത് പാർക്ക് ചെയ്യുവാനും നാല് ഓട്ടോകൾ മാത്രം പരിച്ചകം റോഡ് തുടങ്ങുന്ന ഭാഗത്ത് പാർക്ക് ചെയ്യുവാനും ധാരണയായി .
പഞ്ചായത്ത് പ്രസിഡണ്ട് ഷെമീറ ഇളയോടത്തിന്റെ അദ്ധ്യക്ഷതയിൽ ജന പ്രതിനിധികളും പോലീസ് അധികാരികളും പൊതു പ്രവർത്തകരും , ഓട്ടോ തൊഴിലാളികളും പങ്കെടുത്ത യോഗത്തിലാണ് ധാരണയായത്. അടുത്ത ദിവസം മുതൽ പുതിയ രീതിയിൽ ഓട്ടോ പാർക്കിങ്ങ് നിലവിൽ വരും.
#360malayalam #360malayalamlive #latestnews