പൊന്നാനി പ്രസ് ക്ലബ്ബും, വന്നേരിനാട് പ്രസ് ഫോറവും, സമഗ്ര ശിക്ഷാ കേരളം പൊന്നാനി യു.ആർ.സിയും സംയുക്തമായി വിദ്യാർത്ഥികൾക്കായി ചിത്രരചന ക്യാമ്പ് നടത്തി.
പൊന്നാനി പ്രസ് ക്ലബ്ബും, വന്നേരിനാട് പ്രസ് ഫോറവും, സമഗ്ര ശിക്ഷാ കേരളം പൊന്നാനി യു.ആർ.സിയും സംയുക്തമായി വിദ്യാർത്ഥികൾക്കായി ചിത്രരചന ക്യാമ്പ് നടത്തി. വിദ്യാർത്ഥികളുടെ മികച്ച ചിത്രങ്ങൾ പൊന്നാനി ഉപജില്ല കലോത്സവത്തിൽ പ്രദർശിപ്പിക്കും
പൊന്നാനി ഉപജില്ലയിലെ വിദ്യാലയങ്ങളിൽ ചിത്രരചനയിൽ മികവ് പുലർത്തുന്ന വിദ്യാർത്ഥികൾക്കായാണ് ചിത്രരചന ക്യാമ്പ് നടത്തിയത്. യു.പി, ഹൈസ്കൂൾ, ഹയർ സെക്കണ്ടറി വിഭാഗങ്ങളിലെ വിദ്യാർത്ഥികളാണ് ചിത്രരചന ക്യാമ്പിൽ പങ്കെടുത്തത്.പെൻസിൽ ഡ്രോയിങ്ങ് ,അക്രിലിക്ക്, ജലച്ഛായം എന്നീ ഇനങ്ങളിൽ ആദ്യ ദിന ക്യാമ്പിൽ 19 വിദ്യാർത്ഥികൾ പങ്കെടുത്തു.തുടർക്യാമ്പ് നടത്തി ഇതിൽ നിന്നും മികച്ച ചിത്രങ്ങൾ പൊന്നാനി ഉപജില്ല കലോത്സവ നഗരിയിൽ പ്രദർശിപ്പിക്കും. പൊന്നാനി പ്രസ് ക്ലബ്ബും, വന്നേരിനാട് പ്രസ് ഫോറവും, സമഗ്ര ശിക്ഷ കേരളവും സംയുക്തമായി വിദ്യാർത്ഥികളുടെ കലാ ശേഷികൾ പ്രദർശിപ്പിക്കാനൊരിടം എന്ന നിലയിലാണ് ക്യാമ്പ് നടത്തിയത്. പൊന്നാനി ബി.പി.സി. ഹരിആനന്ദകുമാർ വിദ്യാർത്ഥികൾക്ക് മാർഗ്ഗ നിർദ്ദേശം നൽകി. ക്യാമ്പിന് ചിത്രകലാധ്യാപകൻ പ്രമോദ് പള്ളത്ത്, ഫാറൂഖ് വെളിയങ്കോട്, രമേശ് അമ്പാരത്ത്, പി.പി.നൗഷാദ്, ഇ.പി സക്കീർ, അരവിന്ദാക്ഷൻ എന്നിവർ നേതൃത്വം നൽകി
#360malayalam #360malayalamlive #latestnews