ബിയ്യം റഗുലേറ്ററിന്റെ മൂന്ന് ഷട്ടറുകൾ തുറന്നു.

പൊന്നാനി: കഴിഞ്ഞ ദിവസങ്ങളിൽ  പെയ്ത മഴയിൽ ജലനിരപ്പ് ക്രമാതീതമായി ഉയർന്നതോടെ ബിയ്യം റഗുലേറ്ററിന്റെ ഷട്ടറുകൾ തുറന്നു. റഗുലേറ്ററിന്റെ മൂന്ന് ഷട്ടറുകളാണ് തുറന്നത്.മഴയിൽ റഗുലേറ്ററിൻ്റെ കിഴക്കുഭാഗത്തെ കോൾ മേഖലയിൽ  ജലവിതാനം ഉയർന്നിരുന്നിരുന്നു. മുണ്ടകൻ കൃഷി ആരംഭിക്കുന്ന സമയമായതിനാൽ വെള്ളം ഉയരുന്നത് കൃഷിക്ക് പ്രയാസമാവുമെന്ന കർഷകരുടെ പരാതിയെത്തുടർന്നാണ് ഇറിഗേഷൻ വകുപ്പ്  ഷട്ടറുകൾ തുറന്ന് വെള്ളം ബിയ്യം പുഴ വഴി കടലിലേക്ക് ഒഴുക്കിവിട്ടത്.കഴിഞ്ഞ ദിവസങ്ങളിലുണ്ടായ  മഴയിൽ റഗുലേറ്ററിന്റെ കിഴക്ക് ഭാഗത്തെ കോൾനിലങ്ങളിൽ വെള്ളം ഉയരുകയും, കൃഷി ഭീഷണിയിലാവുകയും ചെയ്തിരുന്നു. മുൻ വർഷങ്ങളിൽ ജൂൺ മാസത്തിലെ ആദ്യ ആഴ്ചയിലുണ്ടാകുന്ന മഴയിൽ തന്നെ ഷട്ടറുകൾ തുറക്കാറുണ്ടെങ്കിലും, ഇത്തവണ മഴ നേരത്തെ ലഭിച്ചതോടെയാണ് ഷട്ടറുകൾ തുറന്നത്. മഴയുടെ വർധനവിനനുസരിച്ച് കൂടുതൽ ഷട്ടറുകൾ തുറക്കുമെന്ന് ഇറിഗേഷൻ എൻജിനിയർ അറിയിച്ചു