മാതൃകയായി GHSS മറഞ്ചേരിയിലെ പ്ലസ്ടു വിദ്യാർത്ഥികൾ
അതിരു കടന്ന ആഘോഷങ്ങൾ കൊണ്ട് അലങ്കോലമാകുന്ന യാത്രയയപ്പുകൾക്കിടയിൽ വേറിട്ട മാതൃക സൃഷ്ടിച്ചു കൊണ്ട് മാറഞ്ചേരി ഗവ.ഹയർ സെക്കണ്ടറി സ്ക്കൂളിലെ പ്ലസ്ടു വിദ്യാർത്ഥികൾ.
തങ്ങളുടെ വിടവാങ്ങൽ ചടങ്ങിനായി സ്വരൂപിച്ച പണത്തിലെ മുഖ്യ വിഹിതം ജീവകാരുണ്യ പ്രവർത്തനത്തിനായി അവർ മാറ്റിവച്ചു. മാറഞ്ചേരിയിൽ സൗജന്യമായി ഡയാലിസിസ് ഉൾപ്പടെയുള്ള ചാരിറ്റി പ്രവർത്തനങ്ങൾ നടത്തുന്ന കെയർ ക്ലബ് ചാരിറ്റബിൾ ട്രസ്റ്റിന് കീഴിലുള്ള 250 ഡയാലിസ് ക്ലബ്ബിന് ഈ തുക കൈമാറി. മാസം തോറും നിരവധി ഡയാലിസുകൾ നടത്തി സാമ്പത്തികമായും മാനസികമായും ബുദ്ധിമുട്ട് അനുഭവിക്കുന്നവർക്ക് വലിയൊരു ആശ്വസമായിട്ടാണ് 250 ഡയാലിസ് ക്ലബ്ബ് നിലവിൽ വന്നത്.
സ്കൂളിൽ നടന്ന ചടങ്ങിൽ കേരള പി.എസ് സി ചെയർമാൻ അഡ്വ.എം.കെ സക്കീർ , ജില്ല പഞ്ചായത്ത് വൈസ് പ്രസിഡണ്ട് ഇസ്മയിൽ മുത്തേടം . പ്രിൻസിപ്പൽ റസിയ ടീച്ചർ പി.ടി.എ പ്രസിഡണ്ട് അബ്ദുറഹിമാൻ പോക്കർ എന്നിവരുടെ സാന്നിധ്യത്തിൽ ട്രസ്റ്റിന്റെ പ്രതിനിധികളായ ആസാദ് ഇളയേടത്ത്, E.M. മുഹമ്മദ്, സലീം പുക്കയിൽ എന്നിവർ തുക ഏറ്റുവാങ്ങി. വിദ്യാർത്ഥി പ്രതിനിധികളായ മുഹമ്മദ് നിഹാൽ, ജാഷിർ മുഹമ്മദ് . മുഹമ്മദ് ഷഹാം, മുഹമ്മദ് ബാസിം തുടങ്ങിയവർ നേതൃത്വം നൽകി
#360malayalam #360malayalamlive #latestnews
