പൂർവ്വ വിദ്യാർത്ഥികൾ ഓടിയെത്തി മൊബൈൽ ഫോണുകളും ടി.വി കളുമായി .

പൂർവ്വ വിദ്യാർത്ഥികൾ ഓടിയെത്തി മൊബൈൽ ഫോണുകളും ടി.വി കളുമായി .

പ്രവാസി കൂട്ടായ്മയും പൂർവ്വ വിദ്യാർത്ഥികളും കൈകോർത്തപ്പോൾ മാറഞ്ചേരി പഞ്ചായത്തിലെ പരിച്ചകം , മടത്തിൽ എൽ പി സ്കൂളുകളിലെ ഓൺലൈൻ പഠന സൗകര്യത്തിനു പ്രയാസപ്പെടുന്ന വിദ്യാർത്ഥികൾക്ക് സ്മാർട്ട് ഫോൺ എന്ന സ്വപ്നം പൂവണിഞ്ഞു . പരിച്ചകം എൽ പി സ്കൂൾ പ്രധാന അദ്ധ്യാപകൻ ശ്രീകാന്ത് മാഷും മഠത്തിൽ എൽ പി സ്കൂൾ പ്രധാന അധ്യാപിക വിനീത ടീച്ചറുമാണ് വിദ്യാർത്ഥികളുടെ പ്രയാസങ്ങൾ അവരവരുടെ വാട്സാപ്പ് ഗ്രൂപ്പുകളിലൂടെ അറിയിച്ചത് .

ഈ വിവരം അറിഞ്ഞ മഠത്തിൽ പ്രവാസി കൂട്ടായ്മ വിഷയത്തിൽ ഇടപെടുകയും സ്കൂളിലേക്ക് ആവശ്യമായ 5 ഫോണുകളും ഒരു ടി വി യും സ്കൂളിന് നൽകി .കൂടാതെ മഠത്തിൽ പ്രദേശത്തെ മറ്റു സ്‌കൂളുകളിൽ പഠിക്കുന്ന 4 കുട്ടികൾക്ക് കൂടി  മൊബൈൽ ഫോൺ നൽകാനും അവർക്ക് കഴിഞ്ഞു .

അതേസമയം പരിച്ചകം സ്‌കൂളിലെ 6 വിദ്യാർത്ഥികൾക്കാണ് പൂർവ വിദ്യാർഥികൾ ചേർന്ന് മൊബൈൽ ഫോൺ വാങ്ങി നൽകിയത് . ഇത്തരത്തിൽ പ്രയാസം അനുഭവിക്കുന്ന നിരവധി  വിദ്യാർത്ഥികൾ ഈ വിദ്യാലയങ്ങളിൽ ഉണ്ടെന്നാണ്  അന്വേഷണത്തിൽ നിന്നും മനസ്സിലാകുന്നത് .

ഒരേ ദിവസം ഒരു സമയത്ത് തന്നെ മെമ്പർമാരായ മെഹ്‌റലി കടവിൽ ,റജുല ഗഫൂർ ,ബീന ടീച്ചർ എന്നിവരുടെ സാന്നിധ്യത്തിൽ 15 ഫോണുകളും 1 ടി വി യുമാണ് വിതരണം ചെയ്തത് .

 പ്രയാസങ്ങൾ കേട്ടാൽ  ഒന്നിക്കുക എന്നതാണ് മാറഞ്ചേരിയുടെ ഏറ്റവും വലിയ സവിശേഷത.  ഓൺലൈൻ വിദ്യാഭ്യാസത്തിന്റെ ഈ കാലത്ത് ഒരു കുട്ടിയും അത്തരം സൗകര്യങ്ങൾ ഇല്ലാതെ പഠനം മുടങ്ങരുത് എന്ന ചിന്ത തന്നെയാണ് എത്രയും വേഗത്തിൽ ഇത്തരം  മഹനീയ പ്രവർത്തനം നടത്താൻ കൂട്ടായ്മകളെ പ്രേരിപ്പിച്ചത് .

തുടർന്നും നമ്മുടെ പ്രദേശത്തെ  സ്‌കൂളുകളിലെ പഠന പുരോഗതിക്കാവശ്യമായ പ്രവർത്തനങ്ങൾക്ക് എല്ലാ വിധ പിന്തുണ ഉണ്ടാകുമെന്നും അവർ അറിയിച്ചു .

മഠത്തിൽ പ്രവാസി കൂട്ടായ്മക്ക് വേണ്ടി അബ്ദുൽ കരീം ഇല്ലത്തേൽ ,ഹാരിസ് എം ടി , കുഞ്ഞുമോൻ ഇല്ലത്തേൽ , സലിം പി എം  ,ഹൈദർ ,ആർ വി മുഹമദ്കുട്ടി എന്നിവരും പരിച്ചകം പൂർവ്വ വിദ്യാർത്ഥി കൂട്ടായ്മക്ക് വേണ്ടി PTA പ്രസിഡണ്ട് മുഹമ്മദ് യൂസഫ്‌ ചീതമഠത്തിൽ , MTA പ്രസിഡണ്ട് സബീന കെ , അലി വി പി , അബ്ദുൽ ഗഫൂർ സി , അധ്യാപകരായ ശിവജ ടി ബി, സനിത കെ തുടങിയവർ നേതൃത്വം നൽകി .