കോവിഡ് മഹാമാരിയിലും ഒരു കോടി എൺപത് ലക്ഷം രൂപ പലിശരഹിത വായ്പ നൽകി തണൽ 13-ാം വർഷത്തിലേക്ക്
കോവിഡ് മഹാമാരിയിലും ഒരു കോടി എൺപത് ലക്ഷം രൂപ പലിശരഹിത വായ്പ നൽകി തണൽ 13-ാം വർഷത്തിലേക്ക്
മാറഞ്ചേരി: കോവിഡിന്റെ തീഷ്ണതയിൽ അകപ്പെട്ട കഴിഞ്ഞ സാമ്പത്തിക വർഷത്തിൽ ഒരു കോടി എൺപത് ലക്ഷം രൂപ പലിശ രഹിത വായ്പ നൽകി പരസ്പരം തണലായി മാറിയ തണൽ പതിമൂന്നാം വർഷത്തിലേക്ക്.
കേരളത്തിലെ പ്രഥമ പലിശരഹിത അയൽ കൂട്ട സംവിധാനമായ തണൽ വെൽഫെയർ സൊസൈറ്റിയാണ് ഈ കോവിഡ് കാലത്തും അയൽ കൂട്ടം അംഗങ്ങൾക്ക് തണലായി മാറിയത്.
വായ്പാ വിതരണ രംഗത്ത് ഈ വർഷം ഉണ്ടായത് സർവ്വകാല റിക്കാർഡാണ്.
കഴിഞ്ഞ പന്ത്രണ്ട് വർഷത്തിനിടയിൽ പത്ത് കോടിയിൽ പരം രൂപയാണ് ഇവർ പരസ്പരം പലിശരഹിത വായ്പ നൽകിയത്.
2 കിലോമീറ്റർ ചുറ്റളവിൽ 81 സംഗമം അയൽ കൂട്ടങ്ങളിലായി 1600 ൽ പരം മെമ്പർമാരാണ് തണലിലുള്ളത്. ആഴ്ച തോറും അവർ ഒരുക്കൂട്ടുന്ന കൊച്ചു കൊച്ചു സമ്പാദ്യങ്ങൾ ഉപയോഗപ്പെടുത്തിയാണ് ഇവർ പരസ്പരം പലിശ രഹിത വായ്പ നൽകുന്നത്. കഴിഞ്ഞ സാമ്പത്തികവർഷം ഇവർ സമ്പാദ്യമായി ഒരുക്കൂട്ടിയത് ഒരു കോടിയിൽ പരം രൂപയാണ്.
*ഉള്ളവരിൽ നിന്ന് ഇല്ലാത്തവരിലേക്ക് ഒഴുകുന്ന ഒരു കാരുണ്യ പ്രവാഹമാണ് ഇവിടെ നടക്കുന്നത്.
ജാതി-മത-കക്ഷി - രാഷ്ട്രീയ ഭേദമന്യേ ഒന്നിക്കുന്ന ഈ അയൽപക്ക കൂട്ടായ്മകൾ സ്നേഹത്തിന്റെയും സൗഹൃദത്തിന്റെയും പരസ്പര സഹായത്തിന്റെയും സദേശം കൈമാറുന്നു.
സ്വയം തൊഴിൽ മേഖലയിൽ അംഗങ്ങൾക്കായി വിവിധ സംരംഭകത്വ പദ്ധതികൾക്ക് പലിശരഹിത വായ്പ നൽകുന്നു. പശുവളർത്തൽ, ആടും കൂടും പദ്ധതി, കോഴി വളർത്തൽ , പപ്പടപ്പണി, ഗാർമന്റ്സ് , കുടിൽ വ്യവസായങ്ങൾ തുടങ്ങിയ മേഖലകളിലാണ് പലിശരഹിതര സംരംഭകത്വ വായ്പകൾ അനുവദിക്കുന്നത്.
ഈ കോവിഡ് കാലത്തും അംഗങ്ങൾ എടുത്ത വായ്പകൾ സമയബന്ധിതമായി അടച്ച് തീർക്കുന്നതിൽ കണിശത പാലിക്കാൻ അംഗങ്ങൾ മാതൃക കാട്ടിയിട്ടുണ്ട്.
അംഗങ്ങൾക്ക് വേണ്ടി സ്വയം തൊഴിൽ പരിശീലനം, മെഡിക്കൽ ക്യാമ്പുകൾ, ബോധവത്കരണ പരിപാടികൾ എന്നിവ നടത്തിക്കൊണ്ടിരിക്കുന്നു.
*ജൈവ കൃഷി പരിപോഷിക്കുന്നതിന് കഴിഞ്ഞ 4 വർഷമായി നടത്തിക്കൊണ്ടിരിക്കുന്ന "തണൽ പുരയിട കൃഷിയിൽ" അഞ്ഞൂറിൽപരം കുടുംബങ്ങൾ പങ്കാളികളായി. ഈ ലോക്ക് ഡൗൺ കാലത്ത് അംഗങ്ങൾക്ക് ഏറെ സഹായകരമായി ഈ പുരയിട കൃഷി.
കുട്ടികളിൽ നല്ല ശീലങ്ങളും സമ്പാദ്യവും വളർത്തുന്നതിനായി തണൽ ബാലസഭകളും തണലിന് കീഴിൽ പ്രവർത്തിക്കുന്നു.
കോവിഡ് പ്രോട്ടോകൾ നിലനിൽ അന്നത് കൊണ്ട് കഴിഞ്ഞ വർഷവും ഈ വർഷവും വാർഷികാഘോഷം വിപുലമായി നടത്താൻ സാധിക്കാത്തതിൽ അയൽ കൂട്ടം അംഗങ്ങൾ നിരാശയിലാണ്. ഓൺലൈനിലൂടെ ആഘോഷ പരിപാടികൾ നടത്തുമെന്ന് തണൽ വെൽഫെയർ സൊസൈറ്റി പ്രസിഡന്റ് എ.അബ്ദുൾ ലത്തീഫ്, സെക്രട്ടറി എ. മുഹമ്മദ് മുബാറക് എന്നിവർ പറഞ്ഞു.
#360malayalam #360malayalamlive #latestnews