ഇന്ന് ലോക വനിതാ ദിനം. വെല്ലുവിളിക്കാനായി തെരഞ്ഞെടുക്കുക എന്നതാണ് ഈ വര്ഷത്തെ പ്രമേയം.
ഇന്ന് ലോക വനിതാ ദിനം. വെല്ലുവിളിക്കാനായി തെരഞ്ഞെടുക്കുക എന്നതാണ് ഈ വര്ഷത്തെ പ്രമേയം.
1908ല് പതിനയ്യായിരത്തിലധികം വരുന്ന സ്ത്രീ തൊഴിലാളികള് ന്യൂയോർക്കിൽ സംഘടിച്ചു നടത്തിയ പ്രതിഷേധ മാര്ച്ചിൽ നിന്നാണ് വനിതാ ദിനം എന്ന ആശയത്തിന് വിത്തുകൾ പാകിയത്. ജോലി സമയത്തില് കുറവ് വരുത്തുക, ശമ്പളത്തില് ന്യായമായ വര്ധന വരുത്തുക, വോട്ട് അവകാശം നല്കുക എന്നിവയായിരുന്നു സമരക്കാരുടെ ആവശ്യം.
വിവിധ രാജ്യങ്ങളിൽ സ്ത്രീകൾ നേരിടുന്ന വെല്ലുവിളികളെ മുൻ നിർത്തി വിവിധ പരിപാടികളോടെ വനിതാ ദിനം ആചരിച്ചു വരുന്നു.
ഡൽഹിയിൽ സമരത്തിലേർപ്പെട്ട കർഷക സമരത്തിന്റെ ചുക്കാൻ പിടിക്കുന്നത് ഇന്ന് സ്ത്രീകളായിരിക്കും ആയിരക്കണക്കിന് സ്ത്രീകൾ കർഷക സമരത്തിന്റ ഭാഗമാകും.
കേരളത്തിൽ
അന്താരാഷ്ട്ര വനിതാദിനത്തില് മുഖ്യമന്ത്രിയുടെ അകമ്പടിവാഹനത്തില് വനിതാ കമാന്ഡോകള് ആയിരിക്കും ഡ്യൂട്ടിയില് ഉണ്ടാകുക. മുഖ്യമന്ത്രിയുടെ ഔദ്യോഗികവസതിയായ ക്ലിഫ് ഹൗസില് സുരക്ഷാഡ്യൂട്ടിക്ക് വനിതാ കമാന്ഡോമാരെ നിയോഗിക്കും. കൂടാതെ രാജ്ഭവനിലും വനിതാ കമാന്ഡോകളെ ഗാര്ഡ് ഡ്യൂട്ടിയില് ഉള്പ്പെടുത്തും. ഹൈവേ പട്രോള് വാഹനങ്ങളിലും അന്താരാഷ്ട്ര വനിതാദിനത്തില് വനിതാപോലീസ് ഉദ്യോഗസ്ഥരുടെ സേവനം ലഭ്യമാക്കും.
വനിതാ ദിനത്തോടനുബന്ധിച്ച് ഓരോ ജില്ലയിലും സി.സി.റ്റി.എന്.എസ്, കുറ്റാന്വേഷണം, ഗതാഗത നിയന്ത്രണം, ബീറ്റ് പട്രോളിംഗ്, പിങ്ക് പട്രോളിംഗ് തുടങ്ങിയ മേഖലകളില് മികവ് തെളിയിച്ച അഞ്ച് വനിതാ ഉദ്യോഗസ്ഥരെ കണ്ടെത്തി പുരസ്കാരം നല്കും. സ്ത്രീശാക്തീകരണം ലക്ഷ്യമിട്ട് കേരളാപോലീസ് നടത്തുന്ന പ്രവര്ത്തനങ്ങളുടെ തുടര്ച്ചയാണ് ഈ നടപടികള്.
#360malayalam #360malayalamlive #latestnews