പൊന്നാനി പട്ടികജാതി ഐ ടി ഐ കെട്ടിട നിർമ്മാണം: ടെൻഡർ പൂർത്തിയായി.
പൊന്നാനി: പൊന്നാനി പട്ടികജാതി ഐ. ടി. ഐ.-യുടെ പുതിയ ബ്ലോക്കിന് ടെൻഡർ പൂർത്തിയായി.ഇതിൻ്റെ നിർമ്മാണത്തിനുള്ള കിഫ്ബി അംഗീകാരം ആഴ്ചകൾക്ക് മുമ്പ് ലഭിച്ചിരുന്നു.
പതിറ്റാണ്ടുകളായി പൊന്നാനിയില്‍ പ്രവര്‍ത്തിച്ചു വരുന്ന പട്ടികജാതി വകുപ്പിന് കീഴിലെ ഐ. ടി. ഐ.-യ്ക്ക് പുതിയ ബ്ലോക്ക് നിര്‍മ്മിക്കുന്നതിനാണ് ടെൻഡർ ആയത്. 2 കോടി 18 ലക്ഷം രൂപയുടെ ഭരണാനുമതിയാണ് കിഫ്ബിയില്‍ നിന്നും നേരത്തെ ലഭിച്ചത്. കെട്ടിടം ഇല്ലാത്തതിനാല്‍ പുതിയ കോഴ്സുകള്‍ അനുവദിക്കാന്‍ കഴിയാത്ത സാഹചര്യമായിരുന്നു നിലവിലുണ്ടായിരുന്നത്.
ഇല്കട്രീഷ്യന്‍ കോഴ്സ് മാത്രമാണ് ഇപ്പോൾ നിലവിലുള്ളത്. പുതിയ കെട്ടിടത്തിന്റെ നിര്‍മ്മാണം പൂര്‍ത്തിയാവുന്നതോടെ സിവില്‍, ആര്‍ട്ടിടെക്ച്ചര്‍ , മെക്കാനിക്കൽ , കമ്പ്യൂട്ടർ ഡാറ്റ പ്രോസസിംഗ് അടക്കം ന്യൂജനറേഷന്‍ കോഴ്സുകള്‍ ആരംഭിക്കാന്‍ കഴിയും. കേരള കണ്‍സ്ട്രക്ഷന്‍ കോര്‍പ്പറേഷന്‍ ആണ് നിര്‍വ്വഹണ ഏജന്‍സി.
#360malayalam #360malayalamlive #latestnews
