വാര്‍ഷിക പദ്ധതി പരിശീലനത്തിന് സമാപനം
പൊന്നാനി നഗരസഭയുടെ 2021- 22 വാര്‍ഷിക പദ്ധതി രൂപീകരണവുമായി ബന്ധപ്പെട്ട് കില സംഘടിപ്പിച്ച പരിശീലന പരിപാടി സമാപിച്ചു. ജനപ്രതിനിധികള്‍ക്കും പദ്ധതി നിര്‍വഹണ ഉദ്യോഗസ്ഥര്‍ക്കും ആസൂത്രണ സമിതി അംഗങ്ങള്‍ക്കും വിവിധ വര്‍ക്കിങ് ഗ്രൂപ്പ് കണ്‍വീനര്‍മാര്‍ക്കുമായുള്ള പരിശീലന പരിപാടിയാണ് നഗരസഭയില്‍ സംഘടിപ്പിച്ചത്. ജനുവരി 27, 29 തീയതികളിലായി രണ്ട് ദിവസത്തെ പരിശീലനത്തില്‍ ഓണ്‍ലൈനായാണ് കില വിവിധ വിഷയങ്ങളില്‍ പരിശീലനം നല്‍കിയത്.
യോഗം നഗരസഭാ ചെയര്‍മാന്‍ ശിവദാസ് ആറ്റുപുറം ഉദ്ഘാടനം ചെയ്തു. സ്ഥിരം സമിതി അധ്യക്ഷന്മാരായ എം.ആബിദ, രജീഷ് ഊപ്പാല, ഷീനാ സുദേശന്‍, ടി. മുഹമ്മദ് ബഷീര്‍, ഒ.ഒ ഷംസു എന്നിവര്‍ പങ്കെടുത്തു. കിലയുടെ ഫാക്വല്‍റ്റികളായ സി.പി മുഹമ്മദ് കുഞ്ഞി, ഷിഹാബുദ്ധീന്‍ എന്നിവര്‍ പരിശീലനത്തിന് നേതൃത്വം നല്‍കി.
#360malayalam #360malayalamlive #latestnews
