കേരള തീരത്ത് ശക്തമായ തിരമാല സാധ്യത മുന്നറിയിപ്പ്
പൊന്നാനി: ജനുവരി ഒന്ന് രാത്രി 11:30 വരെ കൊല്ലം, ആലപ്പുഴ, കൊച്ചി, പൊന്നാനി, കോഴിക്കോട്, കണ്ണൂര്, കാസര്ഗോഡ് എന്നീ തീരങ്ങളിലും താഴ്ന്ന പ്രദേശങ്ങളിലും ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചു. മല്സ്യത്തൊഴിലാളികളും തീരദേശവാസികളും ജാഗ്രത പുലര്ത്തണം.ഈ ദിവസങ്ങളില് തീരപ്രദേശത്തിന്റെ താഴ്ന്ന പ്രദേശങ്ങളില് വേലിയേറ്റ സമയത്ത് വെള്ളം കയറാന് സാധ്യതയുണ്ട്.
കടലാക്രമണം രൂക്ഷമാകാന് സാധ്യത ഉള്ളതിനാല് തീരമേഖലയില് വള്ളങ്ങളും ബോട്ടുകളും ഇറക്കരുത് .മല്സ്യബന്ധന യാനങ്ങള് ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കുക. ബീച്ചിലേക്കുള്ള വിനോദ സഞ്ചാര യാത്രകളും കടലില് ഇറങ്ങുന്നതും പൂര്ണ്ണമായും ഒഴിവാക്കുക. ഉയര്ന്ന തിരമാലകളുള്ളപ്പോള് വള്ളങ്ങളും ബോട്ടുകളും കരക്കടുപ്പിക്കുന്നതും കടലിലേക്ക് ഇറക്കുന്നതും ഒഴിവാക്കുക.അതേ സമയം ആഴക്കടലില് മല്സ്യബന്ധനം തുടരുന്നതില് കുഴപ്പമില്ലെന്നും അധികൃതര് അറിയിച്ചു
#360malayalam #360malayalamlive #latestnews