കുത്തേറ്റത് ഹൃദയധമനിയില്‍; കുത്തിയത് ഇർഷാദ് എന്ന് കൂട്ടുപ്രതി ഇസഹാക്ക്;
കാഞ്ഞങ്ങാട് കല്ലൂരാവി അബ്ദുറഹ്മാൻ ഔഫ് വധക്കേസിൽ മുഖ്യപ്രതി ഇർഷാദ് ഉൾപ്പടെ മൂന്ന് പ്രതികൾ പൊലീസ് കസ്റ്റഡിയിൽ. ഒളിവിലായിരുന്ന കല്ലൂരാവി സ്വദേശി ഹസനെയും പൊലീസ് പിടികൂടി. കേസിലെ മുഖ്യപ്രതി ഇർഷാദും ഇസ്ഹാക്കും നേരത്തെ കസ്റ്റഡിയിലായിരുന്നു. ഹൃദയധമനിയിൽ കുത്തേറ്റതാണ് അബ്ദുറഹ്മാൻ ഔഫിന്റെ മരണകാരണമെന്നാണ് പോസ്റ്റുമോർട്ടം റിപ്പോർട്ട്.
ആയിരങ്ങളുടെ സാന്നിധ്യത്തിൽ അബ്ദുറഹ്മാൻ ഔഫിന്റെ മൃതദേഹം പഴയ കടപ്പുറം ജുമാ മസ്ജിദിൽ ഖബറടക്കി. കാഞ്ഞങ്ങാട് നിലേശ്വരം നഗരസഭാ പ്രദേശത്ത് ലീഗ് ഓഫീസുകൾക്ക് നേരെ വ്യാപക ആക്രമമുണ്ടായി.
കാഞ്ഞങ്ങാട്ടെ പൊതുദർശനത്തിന് ശേഷം മൃതദേഹം എസ്.വൈ.എസ് നേതാക്കൾ ഏറ്റുവാങ്ങി. അവസാനമായി ബന്ധുക്കൾ ഒരുനോക്ക് കണ്ട ശേഷം നൂറുകണക്കിന് പേരുടെ സാന്നിധ്യത്തിൽ പഴയ ജുമാ മസ്ജിദിൽ ഖബറടക്കി.
#360malayalam #360malayalamlive #latestnews
