പൊന്നാനി സൈക്കിള് ക്ളബ്ബ് ലോഗോ പ്രകാശനം സ്പീക്കര് പി ശ്രീരാമകൃഷ്ണന് നിര്വഹിച്ചു
പൊന്നാനി:പൊന്നാനി സൈക്കിൾ ക്ലബ് ലോഗോ പ്രകാശനം സ്പീക്കർ പി.ശ്രീരാമകൃഷ്ണൻ നിർവ്വഹിച്ചു. ശുദ്ധ വായു - ശുദ്ധ ഭൂമീ - നല്ല ആരോഗ്യം' എന്ന സന്ദേശമുണർത്തി പ്രവർത്തിച്ചു വരുന്ന പൊന്നാനി സൈക്കിൾ ക്ലബ് പ്രവർത്തകരോടൊപ്പം ബഹു. സ്പീക്കറും സൈക്കിൾ സവാരിയിൽ പങ്കാളിയായി.കടലും , കായലും,പുഴയും , പുഞ്ചക്കോൾ നിലങ്ങളും ഇഴ ചേർന്നു കിടക്കുന്ന പൊന്നാനിയിലെയും , പരിസര താലൂക്കുകളിലെയും പ്രകൃതിമനോഹരമായ പാതയിലൂടെ യുള്ള സൈക്കിൾ സവാരിയിലേക്ക് മറ്റുള്ളവരെ ക്ഷണിക്കുന്നതിനും , ഇവിടെ നടപ്പാക്കാൻ പോകുന്ന ഉത്തരവാദിത്ത ടൂറിസം പദ്ധതിയുമായി ബന്ധപ്പെടുത്തി സഞ്ചാരികളെ ആകർഷിക്കുക എന്നതും സൈക്കിൾ ക്ലബ് ലക്ഷ്യമായി കാണുന്നു . ചെറു സംഘത്തിൽ നിന്നു തുടങ്ങി വലിയൊരു കൂട്ടായ്മ ആയി മാറിയ സൈക്കിൾ ക്ലബ് പുതു തലമുറയുടെ ആരോഗ്യ സംരക്ഷണത്തിനും , പ്രകൃതി സംരക്ഷണത്തിനും വലിയ സന്ദേശമാണ് നൽകുന്നത് എന്നും അദ്ദേഹം ലോഗോ പ്രകാശനത്തിനു ശേഷം പറഞ്ഞു.