സഞ്ജു സാംസണ് ഇന്ത്യന് ഏകദിന ടീമിൽ; ഇന്ത്യൻ ടീമിൽ അഴിച്ചുപണികളുമായി ബിസിസിഐ
ഓസ്ട്രേലിയന് പര്യടനത്തിനുള്ള ഇന്ത്യന് ക്രിക്കറ്റ് ടീമില് ബിസിസിഐയുടെ അഴിച്ചുപണി. മലയാളി താരം സഞ്ജു സാംസണെ ഏകദിന ടീമിൽ ഉള്പ്പെടുത്തി. സെലക്ഷൻ കമ്മിറ്റി അടിയന്തര യോഗം ചേര്ന്നാണ് മാറ്റങ്ങള് വരുത്തിയത്.
മുമ്പ് ട്വന്റി20 പരമ്പരയ്ക്കുള്ള ടീമില് മാത്രമാണ് സഞ്ജു സാംസണിന് ഇടമുണ്ടായിരുന്നത്. പരിക്ക് ഭേദമായ രോഹിത് ശര്മയെ ടെസ്റ്റ് ടീമില് മാത്രമാണ് ഉള്പ്പെടുത്തിയിരിക്കുന്നത്. ഏകദിന, ട്വന്റി20 പരമ്പരകളില്നിന്ന് രോഹിത്തിന് വിശ്രമവും അനുവദിച്ചു.
വ്യക്തിപരമായ കാരണങ്ങളാല് ആദ്യ ടെസ്റ്റിന് ശേഷം കോഹ്ലി നാട്ടിലേക്ക് മടങ്ങും. പരിക്കുണ്ടായിട്ടും ടീമില് ഉള്പ്പെടുത്തിയ വരുണ് ചക്രവര്ത്തിയെ ട്വന്റി20 ടീമില്നിന്ന് ഒഴിവാക്കി. രോഹിത് ശര്മ, വരുണ് ചക്രവര്ത്തി എന്നിവരുടെ പരിക്ക് സംബന്ധിച്ച വിവാദങ്ങളാണ് ടീമില് മാറ്റം വരുത്താന് കമ്മിറ്റിയെ പ്രേരിപ്പിച്ചത്. പരിക്കു ഭേദമായാല് ഇഷാന്ത് ശര്മയെ ടെസ്റ്റ് ടീമിലേക്ക് പരിഗണിക്കുകയും ചെയ്യും.
#360malayalam #360malayalamlive #latestnews