പ്രധാനമന്ത്രി കിസാന്‍ സമ്മാന്‍ നിധി: യോഗ്യതയില്ലാത്തവര്‍ക്ക് പണം നൽകി
ന്യൂഡല്‍ഹി: പ്രധാനമന്ത്രി കിസാന്‍ സമ്മാന്‍ നിധി പദ്ധതിയില്‍ യോഗ്യതയില്ലാത്തവർ വന്‍തോതില്‍ കടന്നു കയറിയതായി കേന്ദ്രസര്‍ക്കാര്‍. യോഗ്യതയില്ലാത്തവര്‍ക്ക് പണം നല്‍കിയതിലൂടെ 2600 കോടി നഷ്ടമായെന്നും കേന്ദ്രസര്‍ക്കാര്‍ പറയുന്നു. കേന്ദ്രകാര്‍ഷികമന്ത്രാലയത്തിന്റെ റിപ്പോര്‍ട്ടിലാണ് പദ്ധതിയുടെ ആനുകൂല്യം നേടിയ 12 ലക്ഷം പേരെ പരിശോധിച്ചതില്‍ 4 ശതമാനം പേര്‍ക്കും യോഗ്യതയില്ലെന്ന കണക്കുകൾ പുറത്തുവിട്ടിരിക്കുന്നത്.
പദ്ധതിക്കായി അപേക്ഷിക്കാത്തവരും ഇതിന്റെ ഭാഗമാക്കിയിട്ടുണ്ടെന്നാണ് കണ്ടെത്തല്‍. ഏകദേശം 10 കോടി പേർ പദ്ധതിക്കായി അപേക്ഷിച്ചിട്ടുണ്ടെങ്കിലും 40 ലക്ഷം പേര്‍ക്കും ഇതിൽ യോഗ്യതയില്ലെന്നാണ് കൃഷിമന്ത്രാലയം വ്യക്തമാക്കുന്നത്.
യോഗ്യതയില്ലാത്തവരുടെ എണ്ണം ഏറ്റവും കൂടുതല്‍ ബി ജെ പി ഭരിക്കുന്ന അസമിലാണ്. 16 ശതമാനം പേര്‍ക്കും അസമിൽ യോഗ്യതയില്ല. ആന്ധ്രപ്രദേശ്, മഹാരാഷ്ട്ര, ഒഡിഷ എന്നീ സംസ്ഥാനങ്ങളിലും യോഗ്യതയില്ലാത്തവരുടെ എണ്ണം കൂടുതലാണ്. കര്‍ഷകര്‍ക്ക് പ്രതിവർഷം 6000 രൂപ ധനസഹായം നല്‍കുന്ന പദ്ധതിയാണ് കിസാന്‍ സമ്മാന്‍ നിധി. ഗഡുക്കളായാണ് തുക വിതരണം ചെയ്യുന്നത്.
#360malayalam #360malayalamlive #latestnews
