കേന്ദ്ര സർക്കാരിന്റെ ആശ്വാസ പ്രഖ്യാപനം; 2 കോടി രൂപ വരെയുള്ള വായ്പകളുടെ കൂട്ടുപലിശ ഒഴിവാക്കി

രണ്ടു കോടി രൂപ വരെ വായ്പ എടുത്തവരുടെ കൂട്ടുപലിശ ഒഴിവാക്കുമെന്ന് കേന്ദ്ര സർക്കാർ. മൊറട്ടോറിയം ഇല്ലാത്തവർക്കും ഇത് ബാധകമാണ്. ഉത്സവ സീസണിന് മുന്നോടിയാണ് സർക്കാരിന്റെ പ്രഖ്യാപനം.സാധാരണക്കാരുടെ ദീപാവലി സർക്കാരിന്റെ കൈയിലാണെന്നും രണ്ട് കോടി രൂപ വരെ വായ്പയെടുത്ത ആളുകളെക്കുറിച്ച് ഞങ്ങൾക്ക് ആശങ്കയുണ്ടെന്നും കോടതി വ്യക്തമാക്കിയിരുന്നു. മൊറട്ടോറിയത്തിൽ രണ്ട് കോടി രൂപ വരെ പലിശ ഇളവ് അനുവദിക്കണമെന്ന സർക്കാരിന്റെ വാദം സുപ്രീംകോടതി നിരസിച്ചതിനെ തുടർന്നാണ് പ്രഖ്യാപനം. ഇക്കാര്യത്തിൽ എത്രയും വേഗം തീരുമാനമെടുക്കണമെന്നും കോടതി സർക്കാരിനോട് നിർദ്ദേശിച്ചു.  പലിശ ഇളവ് നൽകാനും ചില നടപടിക്രമങ്ങൾ പൂർത്തിയാക്കുന്നതിന് സമയം നീട്ടാനും തീരുമാനമെടുക്കണമെന്ന് സർക്കാർ ആവശ്യപ്പെട്ടു.