സംസ്ഥാന സർക്കാരിൻറെ പ്രവാസി വിരുദ്ധ നിലപാടുകൾക്കെതിരെ; നിൽപ്പ് സമരം
സംസ്ഥാന സർക്കാരിൻറെ പ്രവാസി വിരുദ്ധ നിലപാടുകൾക്കെതിരെയും പ്രഖ്യാപന വഞ്ചനകൾ ക്കെതിരെ യും മാറഞ്ചേരി മണ്ഡലം പ്രവാസി കോൺഗ്രസ് കമ്മിറ്റിയുടെ അഭിമുഖത്തിൽ മാറഞ്ചേരി വില്ലേജ് ഓഫീസിനു മുന്നിൽ നിൽപ്പ് സമരം സംഘടിപ്പിച്ചു . കോവിഡ് ബാധിച്ച് മരിച്ച പ്രവാസികളുടെ കുടുംബത്തിന് പത്തുലക്ഷം രൂപ അനുവദിക്കുക , അംശാദായ അടവിന് അനുപാതമായി ക്ഷേമപെൻഷൻ വർദ്ധിപ്പിക്കുക , തിരിച്ചുവന്ന് പ്രവാസികൾക്ക് തൊഴിൽ സംവരണം ഏർപ്പെടുത്തുക, കോവിഡ് കാലത്ത് പ്രവാസികളോടുള്ള പ്രഖ്യാപനങ്ങൾ നടപ്പിലാക്കുക , എന്നീ ആവശ്യം ഉന്നയിച്ചാണ് മാറഞ്ചേരി വില്ലേജ് ഓഫീസിന് മുന്നിൽ നിൽപ്പ് സമരം സംഘടിപ്പിച്ചത് . കെപിസിസി മെമ്പർ ഇഫ്തിക്കാറുദ്ദീൻ ഉദ്ഘാടനം ചെയ്തു. പ്രവാസി കോൺഗ്രസ് മണ്ഡലം പ്രസിഡൻറ് ആസാദ് എള യേടത്ത് അധ്യക്ഷത വഹിച്ചു. ഫിറോസ് പുറങ്ങ് ,ഇ എം മുഹമ്മദ് ,ഷൗക്കത്ത് , പ്രകാശൻ, അസീസ്, റാഷിദ്, അഷറഫ്, പ്രകാശൻ, സൈനുദ്ദീൻ, മുഹമ്മദാലി, ഡി സിസി മെമ്പർ മാധവൻ, ആരിഫ് എന്നിവർ പങ്കെടുത്തു സംസാരിച്ചു.ജനറൽ സെക്രട്ടറി നജീബ് എം ടി സ്വാഗതവും വൈസ് പ്രസിഡൻറ് അശോകൻ നന്ദിയും പറഞ്ഞു.
#360malayalam #360malayalamlive #latestnews