പൊന്നാനി നഗരസഭയുടെ കാർഷികപദ്ധതി തുടങ്ങി
പൊന്നാനി: ഗ്രോബാഗിൽ ഇഞ്ചിയും മഞ്ഞളും കുറ്റിക്കുരുമുളകും വിളയിക്കാനുള്ള കാർഷികപദ്ധതിയുമായി പൊന്നാനി നഗരസഭ. 2019-20 വാർഷികപദ്ധതിയിൽ എട്ടുലക്ഷം രൂപയാണ് പദ്ധതിക്കായി വകയിരുത്തിയത്.
ഒരാൾക്ക് മൂന്ന് ഗ്രോബാഗ് വീതം ഇഞ്ചിയും മഞ്ഞളും രണ്ട് ഗ്രോബാഗ് കുറ്റിക്കുരുമുളകുമാണ് നൽകുന്നത്. 1000 രൂപയാണ് പാക്കേജിന്റെ വില. അതിൽ 160 രൂപയാണ് ഗുണഭോക്തൃവിഹിതം.
ആദ്യഘട്ടത്തിൽ കുറ്റിക്കുരുമുളകാണ് വിതരണംചെയ്തത്. പ്രത്യേകം വികസിപ്പിച്ചെടുത്ത വിത്തുകൾ ലഭ്യമാകുന്നതോടെ ഇഞ്ചി, മഞ്ഞൾ വിത്തുകൾകൂടി നൽകും. പദ്ധതിയുടെ വിതരണോദ്ഘാടം നഗരസഭാധ്യക്ഷൻ സി.പി. മുഹമ്മദ് കുഞ്ഞി നിർവഹിച്ചു.
ഈശ്വരമംഗലത്തെ നഗരസഭയുടെ കാർഷിക നഴ്സറിയിൽ നടന്ന ചടങ്ങിൽ കൃഷി വർക്കിങ് ഗ്രൂപ്പ് ചെയർപേഴ്സൺ വി.വി. സുഹറ അധ്യക്ഷതവഹിച്ചു.
സേതുമാധവൻ, ഇക്ബാൽ മഞ്ചേരി, സലീം, ടി.വൈ. അരവിന്ദാക്ഷൻ, രജീഷ് ഊപ്പാല എന്നിവർ പങ്കെടുത്തു
റിപ്പോർട്ട്: സി. പ്രദീപ് കുമാർ
#360malayalam #360malayalamlive #latestnews