സാനിറ്റൈസർ കുടിച്ച് 39കാരൻ മരിച്ചു.

കോഴിക്കോട്, നാദാപുരം എടച്ചേരി തണൽ അഭയ കേന്ദ്രത്തിലെ അന്തേവാസിയായ രാമത്ത് താഴെക്കുനി വിനോദൻ(39) എന്നയാളാണ് മരിച്ചത്. കഴിഞ്ഞ 10 മാസത്തോളമായി തണലിൽ അന്തേവാസിയായി കഴിഞ്ഞു വരുന്ന ഇദ്ദേഹം വ്യഴാഴ്ച വൈകീട്ടാണ് സാനിറ്റൈസർ കുടിക്കുന്നത്.

തണൽ അഭയ കേന്ദ്രത്തിലെ നിരവധി പേർക്ക് കൊവിഡ് ബാധ സ്ഥിരീകരിച്ചിരുന്നതിനെ തുടർന്ന് അന്തേവാസികൾക്കായി സാനിറ്റൈസർ സ്ഥാപിച്ചിരുന്നു. വിനോദൻ ഇത് എടുത്ത് കുടിക്കുകയായിരുന്നു.

സാനിറ്റൈസർ കുടിച്ച് അബോധാവസ്ഥയിലായ വിനോദനെ ഉടൻ തന്നെ വടകര ജില്ലാ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു.