മാറഞ്ചേരിയിൽ വെൽഫെയർ പാർട്ടി കർഷക വിരുദ്ധബിൽ കത്തിച്ചു.

മാറഞ്ചേരി: കാർഷിക മേഖലയെ കുത്തകകൾക്ക്‌ പതിച്ചു നൽകാൻ അനുവദിക്കില്ല, കർഷകന് മേൽ മോദി സർക്കാർ പാസ്സാക്കിയ മരണ വാറന്റ് പിൻവലിക്കുക എന്നീ ആവശ്യങ്ങളുന്നയിച്ച് വെൽഫെയർ പാർട്ടി മാറഞ്ചേരി പഞ്ചായത്ത് കമ്മറ്റി മാറഞ്ചേരിയിൽ തെരുവുണർത്ത് സംഘടിപ്പിച്ചു. പരിപാടി ജില്ലാ ജനറൽ സെക്രട്ടറി ഗണേഷ് വടേരി ഉദ്ഘാടനം ചെയ്തു. പഞ്ചായത്ത് പ്രസിഡണ്ട് മൻസൂർ മാറഞ്ചേരി കർഷക ബിൽ കത്തിച്ചു .

മൻസൂർ മാറഞ്ചേരി, ഇ.എം.ഇബ്രാഹിംകുട്ടി എന്നിവർ പ്രസംഗിച്ചു. ശംസുദ്ധീൻ മണലൂർ,ഫാസിൽ ടി സി,അഹ്‌സൻ അലി,എം.എം.ഖദീജ,മനാഫ് പനമ്പാട് എന്നിവർ പ്രകടനത്തിന് നേതൃത്വം നൽകി.