പെരുമ്പടപ്പ് ഗ്രാമ പഞ്ചായത്തിന്റെ പുതിയ ഓഫീസ് കെട്ടിടത്തിന്റെ ശിലാസ്ഥാപനം നാളെ കായിക മന്ത്രി വി.അബ്ദുറഹിമാൻ നിർവഹിക്കും
പെരുമ്പടപ്പ് ഗ്രാമ പഞ്ചായത്തിന്റെ പുതിയ ഓഫീസ് കെട്ടിടത്തിന്റെ ശിലാസ്ഥാപനം നാളെ ഉച്ചക്ക് രണ്ട് മണിക്ക് കായിക മന്ത്രി വി.അബ്ദുറഹിമാൻ നിർവഹിക്കും. പി.നന്ദകുമാർ എം.എൽ.എ അധ്യക്ഷനാവും. പെരുമ്പടപ്പ് ബ്ലോക്ക് പഞ്ചായത്ത് പ്രസിഡന്റ് അഡ്വ. ഇ.സിന്ധു, പഞ്ചായത്ത് പ്രസിഡന്റ് ബിനീഷ മുസ്തഫ തുടങ്ങിയവർ പരിപാടിയിൽ പങ്കെടുക്കും. അത്യാധുനിക സൗകര്യങ്ങളോടെയാണ് ഗ്രാമ പഞ്ചായത്തിന് സ്വന്തം കെട്ടിടമുയരുന്നത്. പഞ്ചായത്തിന്റെ തനത് ഫണ്ടും മറ്റു ഫണ്ടുകളും ചെലവഴിച്ചാണ് രണ്ട് കോടി രൂപ ചെലവിൽ നാലുനില കെട്ടിടം നിർമിക്കുന്നത്. സർക്കാർ ഏജൻസിയായ എഫ്.ആർ.ബി.എല്ലിനാണ് നിർമാണ ചുമതല. എട്ടു മാസത്തിനകം പുതിയ പഞ്ചായത്ത് കെട്ടിടത്തിൻ്റെ നിർമാണം പൂർത്തിയാക്കി നാടിന് സമർപ്പിക്കും. ഓഫീസുകൾ ഒറ്റ കുടക്കീഴിലേക്ക് മാറും. പുത്തൻപള്ളി ആശുപത്രിക്ക് പിറക് വശത്തെ താത്കാലിക കെട്ടിടത്തിലാണ് നിലവിൽ പഞ്ചായത്ത് ഓഫീസ് പ്രവർത്തിക്കുന്നത്.
#360malayalam #360malayalamlive #latestnews
