വെളിയൻകോടും ഇനി സർ / മാഡം വിളിയില്ല

"സർ /മാഡം", വിളി നിർത്തി വെളിയങ്കോട് ഗ്രാമപഞ്ചായത്ത് മാതൃകയായി .  വിവിധ ആവശ്യങ്ങൾക്കായി പഞ്ചായത്ത്‌ ഓഫീസിൽ എത്തുന്നവർ ഉദ്യോഗസ്ഥരെയോ  ഭരണസമിതി അംഗങ്ങളെയോ  "സർ/മാഡം" തുടങ്ങിയ വാക്കുകൾ ഉപയോഗിച്ച് അഭിസംബോധന ചെയ്യേണ്ടതില്ലെന്ന്  വെളിയങ്കോട്  ഗ്രാമ പഞ്ചായത്ത് ഭരണസമിതി  യോഗത്തിൽ തീരുമാനിച്ചു.   പഞ്ചായത്തിൽ നിന്നും  ലഭിക്കുന്ന സേവനങ്ങൾക്കുള്ള കത്തിടപാടുകളിൽ "സർ /മാഡം" അഭിസംബോധനകളും അപേക്ഷിക്കുന്നു, അഭ്യർത്ഥിക്കുന്നു എന്നീ പദങ്ങളും ഒഴിവാക്കാനാണ് ഭരണസമിതി തീരുമാനമെടുത്തത് .  'അപേക്ഷിക്കുന്നു, അഭ്യർത്ഥിക്കുന്നു' എന്നീ പദങ്ങൾക്ക് പകരം "അവകാശപ്പെടുന്നു, താല്പര്യപ്പെടുന്നു" എന്നീ വാക്കുകളാണ് ഉപയോഗിക്കേണ്ടത്. ഗ്രാമപഞ്ചായത്ത് പ്രസിഡൻറ് കല്ലാട്ടേൽ ഷംസു ഭരണസമിതി യോഗത്തിൽ  അവതരിപ്പിച്ച വിഷയം  യോഗം ഐക്യകണ്ഠേന അംഗീകരിച്ചു  . 

വെളിയൻകോട് ഗ്രാമപഞ്ചായത്ത് ഓഫീസിൽ എത്തുന്ന  ഏതൊരു പൗരനും  പ്രസിഡൻറ് ഉൾപ്പെടെയുള്ള  ഭരണസമിതി അംഗങ്ങളെയോ ,  ജീവനക്കാരെയോ "സർ /മാഡം" എന്ന് എന്ന് വിളിക്കേണ്ടതില്ലെന്നും നിലവിലുള്ള തസ്തികയുടെ പേര് വിളിച്ച് അഭിസംബോധന ചെയ്യാവുന്നതാണ് എന്നും ഭരണസമിതി അറിയിച്ചു.