വെളിയംങ്കോട് ഗ്രാമ പഞ്ചായത്ത് രജത ജൂബിലി ആഘോഷം; മുൻ പ്രസിഡൻ്റ്മാരേയും മുതിർന്ന മുൻ മെമ്പർമാരേയും ആദരിച്ചു

വെളിയംങ്കോട് ഗ്രാമ പഞ്ചായത്തിൽ  ജനകീയാസൂത്രണം  രജത ജൂബിലി  ആഘോഷത്തിന് തുടക്കം കുറിച്ച്  കൊണ്ട്   മുൻ പ്രസിഡൻ്റ്മാരേയും മുതിർന്ന മുൻ  മെമ്പർമാരേയും  ആദരിച്ചു . പഞ്ചായത്ത് കോൺഫറൻസ്  ഹാളിൽ വെച്ച്  നടന്ന ചടങ്ങ്   ഗ്രാമ പഞ്ചായത്ത്  പ്രസിഡന്റ് കല്ലാട്ടേൽ  ഷംസു  ഉദ്ഘാടനം  ചെയ്തു .  മുൻ പഞ്ചായത്ത് പ്രസിഡൻ്റുമാരായ എ .കെ മുഹമ്മദുണ്ണി, ഷാജിറ മനാഫ്, കെ.കെ ബീരാൻകുട്ടി, എൻ.കെ സൈനുദ്ധീൻ, പ്രമജ സുധീർ, ഏറ്റവും മുതിർന്ന മുൻ മെമ്പറായ യു. അബൂബക്കർ, മുതിർന്ന മുൻ  അംഗങ്ങളായ കെ.എം ശ്രീധരമേനോൻ, എൻ. മൊയ്ദുണ്ണി എന്നിവരെ പൊന്നാട  അണിയിച്ചും ഗ്രാമ പഞ്ചായത്തിന്റെ  സ്നേഹോപഹാരം നല്കിയും ആദരിച്ചു  .  

 വൈസ്  പ്രസിഡന്റ്  ഫൗസിയ  വടക്കേപ്പുറത്ത്  അധ്യക്ഷയായ  ചടങ്ങിൽ   സ്റ്റാന്റിംഗ്  കമ്മിറ്റി ചെയർമാരായ മജീദ് പാടിയോടത്ത് , സൈദ്പുഴക്കര , ഷെരീഫമുഹമദ്  , മെമ്പർ  ഹുസ്സൈൻ പാടത്തകായിൽ  മറ്റു  മെമ്പർമാർ  , രാഷ്ട്രിയ പാർട്ടി പ്രതിനിധികളായ  സി.കെ . പ്രഭാകരൻ,  സുരേഷ്  കാക്കനാത്ത് ,  ഷമീർ ഇടിയാട്ടയിൽ,  ഫസലുറഹ്മാൻ, പി. രാജാറാം  തുടങ്ങിയവർ  പങ്കെടുത്തു  സംസാരിച്ചു .  അസിസ്റ്റൻ്റ് സെക്രട്ടറി ടി.കവിത സ്വാഗതവും ജൂനിയർ സൂപ്രണ്ട് സന്തോഷ്  നന്ദിയും പറഞ്ഞു.