ബാങ്കിടപാടുകാരുടെ ശ്രദ്ധയ്ക്ക്: ഇടപാടുകൾക്ക് സമയക്രമം ഇന്ന് മുതൽ
തിരുവനന്തപുരം: ബാങ്കുകൾ സന്ദർശിക്കുന്നതിന് സമയക്രമം ഏർപ്പെടുത്തിയ നടപടി ഇന്നു മുതൽ നിലവിൽ വരും.
കോവിഡ് വ്യാപനം നിയന്ത്രിക്കുന്നതിന്റെ ഭാഗമായിട്ടാണ് നിയന്ത്രണം ഏർപ്പെടുത്തിയത്. സേവിംഗ്സ് ബാങ്ക് അക്കൗണ്ട് ഇടപാടുകാർക്കാണ് നിയന്ത്രണം. വായ്പയ്ക്കും മറ്റു ഇടപാടുകൾക്കും നിയന്ത്രണമില്ലെന്ന് സംസ്ഥാനതല ബാങ്കേഴ്സ് സമിതി അറിയിച്ചു.
സേവിംഗ്സ് അക്കൗണ്ടുകളുടെ അവസാന അക്കമനുസരിച്ചാണ് സമയം ക്രമീകരിച്ചത്.
സമയക്രമം ഇങ്ങനെ:
●അക്കൗണ്ട് നമ്പർ പൂജ്യം മുതൽ മൂന്നുവരെയുള്ള അക്കങ്ങളിൽ അവസാനിക്കുന്നവർ രാവിലെ 10നും 12നും ഇടയ്ക്കു മാത്രമേ ബാങ്കുകളിൽ എത്താവൂ.
●നാലുമുതൽ ഏഴുവരെ അക്കങ്ങളിൽ അവസാനിക്കുന്നവർക്ക് സമയം ഉച്ചയ്ക്ക് 12 മുതൽ രണ്ടുവരെ.
●എട്ടിലും ഒമ്പതിലും അവസാനിക്കുന്നവർക്ക് രണ്ടര മുതൽ മൂന്നര വരെ.
●സെപ്റ്റംബർ അഞ്ചു വരെ നിയന്ത്രണം ബാധകമായിരിക്കും.
#360malayalam #360malayalamlive #latestnews