തണൽ ഫോൺ ചലഞ്ച്; 60 കുടുംബങ്ങൾക്ക് മൊബൈൽ ഫോൺ നൽകി

ഓൺലൈൻ പഠനത്തിന് സൗകര്യമില്ലാത്ത 60 കുടുംബങ്ങൾക്ക് പലിശരഹിത വായ്പയിലൂടെ ഫോണുകൾ കൈമാറി. മാറഞ്ചേരി തണൽ വെൽഫെയർ സൊസൈറ്റിയുടെ കീഴിലുള്ള സംഗമം പലിശ രഹിത അയൽ കൂട്ട കുടുംബങ്ങളിലെ ഫോൺ സൗകര്യമില്ലാത്ത 60 കുടുംബങ്ങൾക്കാണ് പലിശ രഹിത വായ്പയിലൂടെ ഫോണുകൾ കൈമാറിയത്.

തണൽ ജനകീയ സൂപ്പർ മാർക്കറ്റ് അങ്കണത്തിൽ നടന്ന ചടങ്ങിൽ ഫോൺ കൈമാറ്റം മാറഞ്ചേരി ഗ്രാമ പഞ്ചായത്ത് പ്രസിഡന്റ് സമീറ ഇളയോടത്ത് നിർവ്വഹിച്ചു.

തണൽ പ്രസിഡന്റ് എ. അബ്ദുൾ ലത്തീഫ് അധ്യക്ഷയായി. എഫ്.ഐ. ടി.യു സംസ്ഥാന വൈസ് പ്രസിഡന്റ് മുഹമ്മദ് പൊന്നാനി, ജമാഅത്തെ ഇസ്ലാമി മാറഞ്ചേരി ഏരിയാ പ്രസിഡന്റ് വി.കുഞ്ഞിമരക്കാർ, മാറഞ്ചേരി ഗവ.ഹൈസ്കൂൾ പി.ടി.എ.പ്രസിഡന്റ് അബ്ദുറഹ്മാൻ പോക്കർ എന്നിവർ പ്രസംഗിച്ചു. തണൽ സെക്രട്ടറി എ മുഹമ്മദ് മുബാറക് സ്വാഗതവും വൈസ് പ്രസിഡന്റ് ടി.പി. നാസർ നന്ദിയും പറഞ്ഞു.