പൂർവ്വ വിദ്യാർത്ഥികൾ ഡിജിറ്റൽ ലൈബ്രറിയിലേക്ക് മൊബൈൽ ഫോണുകൾ നൽകി.

മാറഞ്ചേരി ഗവ. ഹയർ സെക്കണ്ടറി സ്‌കൂളിലെ, ഓൺലൈൻ പഠനത്തിന്, സാമ്പത്തികമായി ബുദ്ധിമുട്ടുകൾ നേരിടുന്ന വിദ്യാർത്ഥികൾക്ക് വിതരണം ചെയ്യുന്നതിനായി 2001-2002 വർഷത്തിലെ  10th-D ബാച്ച്  സ്‌കൂളിലെ ഡിജിറ്റൽ ലൈബ്രറിയിലേക്ക് എട്ടോളം മൊബൈൽ ഫോണുകൾ സംഭാവന ചെയ്തു. ബാച്ചിന് വേണ്ടി അന്നത്തെ  ക്ലാസ്സ് അദ്ധ്യാപകനായിരുന്ന റിട്ട. ഹെഡ്മാസ്റ്റർ ശ്രീ. സച്ചിദാനന്ദൻ ടി.കെ നിലവിലെ ഹെഡ്മാസ്റ്റർ ശ്രീ. പ്രേംരാജ് എ.സി-ക്ക് കൈമാറി.  'ഇത്തരം പ്രവർത്തനങ്ങളുമായി മറ്റുള്ളവർക്ക് മുന്നോട്ട് വരാൻ ഇത് ഒരു പ്രചോദനമാവട്ടെ, എന്ന് ഡിജിറ്റൽ ലൈബ്രറി ഇൻചാർജ് ശ്രീ. സജി ജോസഫ് പ്രത്യാശ പ്രകടിപ്പിച്ചു. ബാച്ചിനെ പ്രതിനിധീച്ച് ആയിഷ നാജിയ, റഷീദ്, ലുബാന  അദ്ധ്യാപകരായ രേണുക, വസന്ത, വത്സൻ, രാധിക, ടോണി എന്നിവരുടെ സാമീപ്യത്തിലാണ് ഫോണുകൾ സ്കൂളിൽ എത്തിച്ച് നൽകിയത്.പി.ടി.എ. പ്രസിഡണ്ട് ശ്രീ. റഹിമാൻ പോക്കർ ബാച്ചിലെ കുട്ടികളുടെ നല്ല മനസ്സിന് നന്ദിയർപ്പിച്ചു.