ലാവ്‌ലിന്‍ കേസില്‍ എന്‍ഫോഴ്‌സ്‌മെന്റ് ഡയറക്ടറേറ്റ് ഇടപെടുന്നു
ലാവ്‌ലിന്‍ കേസ് ഉള്‍പ്പെടെയുള്ള കേസുകളില്‍ ടിപി നന്ദകുമാറിനോട് അടുത്ത ദിവസം ഹാജരാകാന്‍ എന്‍ഫോഴ്‌സ്‌മെന്റ് ഡയറക്ടറേറ്റ് ആവശ്യപ്പെട്ടു. 2006 മാര്‍ച്ചില്‍ ഡിആര്‍ഐക്കു നല്‍കിയ പരാതികളിലാണ് ഹാജരായി തെളിവുകള്‍ നല്‍കാന്‍ നോട്ടീസ് അയച്ചിരിക്കുന്നത്. വെള്ളിയാഴ്ച കൊച്ചിയിലെ ഓഫീസില്‍ ഹാജരാകാനാണ് ഇഡി ഡപ്യൂട്ടി ഡയറക്ടര്‍ വികാസ് സി മേത്തയാണ് നോട്ടീസ് അയച്ചിരിക്കുന്നത്.
സംസ്ഥാനത്തെ ചില രാഷ്ട്രീയ നേതാക്കളുടെ നികുതി വെട്ടിപ്പ്, ദേശവിരുദ്ധ പ്രവര്‍ത്തനങ്ങള്‍ തുടങ്ങിയ ചൂണ്ടിക്കാണിച്ച് 15 വര്‍ഷം മുന്‍പ് അയച്ച കത്തിലാണ് നടപടി. അതേസമയം താന്‍ അയച്ച റിമൈന്‍ഡറിന്റെ പശ്ചാത്തലത്തിലാണ് നടപടിയുണ്ടായിരിക്കുന്നതെന്ന് ടിപി നന്ദകുമാര്‍ ഒരു മാധ്യമത്തോട് പ്രതികരിച്ചു.
#360malayalam #360malayalamlive #latestnews
