ലാവലിൻ കേസ് വീണ്ടും മാറ്റി; സുപ്രീംകോടതിക്ക് അതൃപ്തി
ന്യൂഡൽഹി: ലാവലിൻ കേസ് പരിഗണിക്കുന്നത് സുപ്രീംകോടതി വീണ്ടും മാറ്റിവച്ചു. കൂടുതൽ സമയം വേണമെന്ന സി ബി ഐയുടെ ആവശ്യത്തെ തുടർന്നാണ് കേസ് മാറ്റിയത്. കേസ് ജനുവരി ഏഴിന് പരിഗണിക്കുമെന്ന് സുപ്രീംകോടതി അറിയിച്ചു. അധികരേഖകൾ ഏഴിനകം സി ബി ഐക്ക് കൈമാറും.
2017 ആഗസ്റ്റ് 23 ന് മുഖ്യമന്ത്രി പിണറായി വിജയന്‍, മുന്‍ ഊര്‍ജ്ജസെക്രട്ടറി കെ. മോഹനചന്ദ്രന്‍, ജോയിന്‍റ് സെക്രട്ടറി എ. ഫ്രാന്‍സിസ് എന്നിവരെ കുറ്റവിമുക്തരാക്കിയ ഹൈകോടതി വിധി ചോദ്യം ചെയ്താണ് സി.ബി.ഐ സുപ്രീംകോടതിയെ സമീപിച്ചത്. ഉദ്യോഗസ്ഥരായിരുന്ന കസ്തൂരി രംഗ അയ്യര്‍, ആര്‍. ശിവദാസന്‍, കെ.ജി രാജശേഖരന്‍ എന്നിവര്‍ വിചാരണ നേരിടണമെന്നും ഹൈകോടതി വിധിച്ചിരുന്നു അതിനെതിരെ ഈ ഉദ്യോഗസ്ഥര്‍ നല്‍കിയ ഹര്‍ജിയും സുപ്രീംകോടതിക്ക് മുന്നിലുണ്ട്.
#360malayalam #360malayalamlive #latestnews
