മീഡിയ വൺ ചാനലിന്റെ സംപ്രേക്ഷണ വിലക്ക് ഹൈക്കോടതി സ്റ്റേ ചെയ്തു

മീഡിയ വൺ ചാനലിന്റെ സംപ്രേക്ഷണത്തിന് വിലക്കേർപ്പെടുത്തിയ കേന്ദ്രസർക്കാർ തീരുമാനത്തെ ഹൈക്കോടതി സ്റ്റേ ചെയ്തു. രണ്ട് ദിവസത്തേക്കാണ് ചാനലിന്റെ സംപ്രേക്ഷണവിലക്ക് കോടതി സ്റ്റേ ചെയ്തത്. ബുധനാഴ്ച കോടതി കേസ് വീണ്ടും പരിഗണിക്കും. കേന്ദ്ര സർക്കാറിന്റെ വിലക്കിനെതിരെ നിയമനടപടികളുമായി മുന്നോട്ടുപോവുമെന്ന് മീഡിയ വൺ എഡിറ്റർ പ്രമോദ് രാമൻ അറിയിച്ചിരുന്നു.  സുരക്ഷാ കാരണം മുൻനിർത്തിയാണ് ചാനലിന്റെ സംപ്രേക്ഷണം നിർത്തിക്കുന്നത് എന്നായിരുന്നു കേന്ദ്ര വാർത്താ വിനിമയ മന്ത്രാലയം അറിയിച്ചത്.