സര്ക്കാരിനെ അട്ടിമറിക്കാന് സി.എ.ജി.-ഇ.ഡി. ഗൂഢാലോചന, കേരളത്തില് ആറാടാമെന്ന് കരുതണ്ട-ഐസക്ക്
തിരുവനന്തപുരം: എന്ഫോഴ്സ്മെന്റ് ഡയറക്ടറേറ്റിനെയും സി.എ.ജിയെയും വിമർശിച്ച് ധനമന്ത്രി തോമസ് ഐസക്ക്. സംസ്ഥാന സര്ക്കാരിനെ അട്ടിമറിക്കാന് സി.എ.ജിയും ഇ.ഡിയും കൂടി ഗൂഢാലോചനയില് നടത്തുകയാണെന്ന് മന്ത്രി ആരോപിച്ചു. ഇ.ഡി മാധ്യമങ്ങള്ക്ക് വാട്ട്സ് ആപ്പ് മെസേജ് വഴി വാര്ത്ത ചോര്ത്തിക്കൊടുക്കുന്നു. തലക്കെട്ടു പോലും എങ്ങനെ വേണമെന്ന് ഉപദേശിക്കുന്നതിലേക്ക് കാര്യങ്ങള് എത്തിയിരിക്കുകയാണെന്നും ഐസക്ക് ആരോപിച്ചു. റഡാറും കൊണ്ട് ഇവിടെ വന്നാൽ കാല് കഴയ്ക്കും. കേരളത്തിൽ വന്ന് ആറാടാം എന്ന് കരുതരുത്. ഇഡി നടപടിയും സിഎജിയുടെ അവകാശ ലംഘനവും സംബന്ധിച്ച് പ്രതിപക്ഷ നേതാവ് മൗനം വെടിയണം. ഇഡി അയച്ച വാട്സ്ആപ്പ് സന്ദേശവും ധനമന്ത്രി പുറത്ത് വിട്ടു.
കിഫ്ബി അണ്ടര് ഇഡി റഡാര് എന്നാണ് സന്ദേശത്തിന്റെ അവസാനം പറയുന്നത്. ഭീഷണിക്ക് വഴങ്ങാൻ സര്ക്കാരിനെ കിട്ടില്ല. നിമപരമായി നേരിടാനാണ് തീരുമാനം . സി.എ.ജി. റിപ്പോര്ട്ട് നിയസഭയില് സമര്പ്പിക്കാന് ഇരിക്കുന്നതേയുള്ളൂ. നിയമസഭയിൽ വച്ചിട്ടില്ലാത്ത റിപ്പോര്ട്ടിൽ ഇഡി നടപടി അവകാശ ലംഘനമാണെന്നാണ് പറയുന്നത്. പബ്ലിക്ക് അക്കൗണ്ട് കമ്മിറ്റി റിപ്പോര്ട്ടിന്റെ അടിസ്ഥാനത്തിലാണ് നടപടി എടുക്കേണ്ടത്. ഇ.ഡി. തന്നെ നിയമനടപടിയിലേക്ക് കടന്നിരിക്കുന്നത് നിയമസഭയോടുള്ള അവഹേളനമാണെന്നും ഐസക്ക് പറഞ്ഞു.
#360malayalam #360malayalamlive #latestnews