ഇരുപത്തിയഞ്ചോളം ക്രമ വിരുദ്ധ ഇടപെടലുകള് ഇബ്രാഹിംകുഞ്ഞിനെതിരെ കണ്ടെത്തിയതായി റിമാന്ഡ് റിപ്പോര്ട്ട്
പാലാരിവട്ടം പാലം അഴിമതിക്കേസില് മുന്മന്ത്രി വി.കെ. ഇബ്രാഹിംകുഞ്ഞിനെതിരെ ഇരുപത്തിയഞ്ചോളം ക്രമ വിരുദ്ധ ഇടപെടലുകള് കണ്ടെത്തിയതായി റിമാന്ഡ് റിപ്പോര്ട്ട്. ആര്ബിഎസ് ഉടമ സുമിത് ഗോയലുമായി നേരിട്ടാണ് ഇബ്രാഹിംകുഞ്ഞ് ഇടപാടുകള് നടത്തിയതെന്നും വ്യക്തമാക്കുന്നതാണ് റിമാന്ഡ് റിപ്പോര്ട്ട്. 2013 ല് ആര്ബിഡിസികെ, കെആര്എഫ്ബി, കിറ്റ്കോ ഉദ്യോഗസ്ഥരുമായി ഇബ്രാഹിംകുഞ്ഞ് ഗൂഢാലോചന നടത്തി. ചട്ടവിരുദ്ധമായി ടെന്ഡറിലോ കരാറിലോ ഇല്ലാത്ത എട്ടേകാല് കോടി രൂപ മൊബിലൈസേഷന് അഡ്വാന്സ് ആര്ഡിഎസ് പ്രോജക്ട് ലിമിറ്റഡിന് നല്കി. നിര്മാണ കരാര് ആര്ഡിഎസിനെ നല്കാന് വി.കെ. ഇബ്രാഹിംകുഞ്ഞ് ഗൂഢാലോചന നടത്തി. 13.5 ശതമാനം പലിശയ്ക്ക് പൊതുമേഖലാ സ്ഥാപനങ്ങള്ക്ക് ലോണ് നല്കുമ്പോള് 7 ശതമാനം പലിശയ്ക്ക് ആര്ഡിഎസിന് അഡ്വാന്സ് നല്കി. ഈ പലിശയിളവ് നല്കിയതിലൂടെ 85 ലക്ഷം രൂപയാണ് നഷ്ടമുണ്ടായത്. പാലം നിര്മാണത്തിലെ ഡിസൈനിലും ഗുണനിലവാരത്തിലുമുള്ള ക്രമക്കേട് മൂലം പൊതു ഖജനാവിന് 13 കോടിയുടെ നഷ്ടമുണ്ടാക്കിയതായും വിജിലന്സിന്റെ റിപ്പോര്ട്ടില് പറയുന്നു. കമ്മീഷന് കിട്ടിയ തുകയെക്കുറിച്ച് അന്വേഷണം പുരോഗമിക്കുകയാണെന്നും വിജിലന്സിന്റെ റിമാന്ഡ് റിപ്പോര്ട്ടില് പറയുന്നു.
#360malayalam #360malayalamlive #latestnews