തടവുകർക്കും തിരിച്ചറിയൽ കാർഡോ ?

പാലക്കാട് : തടവുകാർക്ക്​ ​തിരിച്ചറിയൽ കാർഡുമായി ജയിൽ വകുപ്പ്​.  ചില അടിയന്തര സാഹചര്യങ്ങളിൽ തടവുകാർക്ക് എതിരെ ആളുമാറി നടപടി സ്വീകരിക്കാൻ ഉണ്ട് അതൊഴിവാക്കാനാണ് ജയിൽ ഡി.ജി.പി ഋഷിരാജ്​ സിങ്​ ഈ ഉത്തരവിട്ടത്. തിരിച്ചറിയൽ കാർഡുകൾ അതത്​ ജയിൽ സൂപ്രണ്ടുമാർ ഡൗൺലോഡ്​ ചെയ്​ത ശേഷം ലാമിനേറ്റ്​ ചെയ്​ത്​ തടവുകാർക്ക്​ വിതരണം ​ചെയ്യുമെന്നും ഉത്തരവിൽ പറയുന്നു. പാലക്കാട്​ ജില്ല ജയിലിൽ ബുധനാഴ്​ച 145 തടവുകാരിൽ 35 പേർക്ക്​ ഇതിനകം കാർഡ്​​ വിതരണം പൂർത്തിയായി. വരുംദിവസങ്ങളിൽ മറ്റ്​ തടവുകാർക്കും കാർഡുകൾ ലഭ്യമാക്കുമെന്നും ജയിൽ സൂപ്രണ്ട്​ കെ. അനിൽകുമാർ പറഞ്ഞു.

കോവിഡ്​ കാലത്ത്​ ജയിലിൽ മാസ്​ക്കടക്കം സംവിധാനങ്ങൾ കർശനമാക്കിയതോടെ തടവുകാരുടെ നിരീക്ഷണം വെല്ലുവിളിയായിരുന്നു. ഇതുകൂടി കണക്കിലെടുത്താണ്​ 2014ലെ ജയിൽ ചട്ടത്തിൽ തിരിച്ചറിയൽ കാർഡ്​ സംബന്ധിച്ചുള്ള നിർദേശം ജയിൽ വകുപ്പ്​ കർശനമാക്കുന്നത്​. ഇതുമായി ബന്ധപ്പെട്ട്​ ഇ-പ്രിസൺസ്​ സോഫ്​റ്റ്​വെയറിൽ മാറ്റങ്ങൾ വരുത്തിയിട്ടുണ്ട്​