വംശീയ പരാമർശം നടത്തിയതിനെ തുടർന്ന് വി. അബ്ദുറഹ്മാൻ എം.എൽ.എക്കെതിരെ സ്പീക്കർക്ക് പരാതി നൽകി
തിരൂർ: താനൂർ എം.എൽ.എ വി. അബ്ദുറഹിമാൻ വംശീയ പരാമർശം നടത്തിയതിനെ തുടർന്ന് തിരൂർ എം.എൽ.എ സി. മമ്മൂട്ടി നിയമസഭ സ്പീക്കർ പി. ശ്രീരാമകൃഷ്ണന് പരാതി നൽകി. ഗോത്ര-ആദിവാസി വിഭാഗങ്ങളെ അധിക്ഷേപിച്ച് നടത്തിയ പരാമർശം നടത്തിയ എം.എൽ.എക്കെതിരെ നടപടി ആവശ്യപ്പെട്ടാണ് പരാതി.
സത്യപ്രതിജ്ഞലംഘനത്തിനെതിരെ നടപടി സ്വീകരിക്കണമെന്നാണ് സ്പീക്കർക്ക് നൽകിയ പരാതിയിൽ സി. മമ്മൂട്ടി എം.എൽ.എ ആവശ്യപ്പെട്ടത്. ഭരണഘടനയോട് കൂറ് പുലർത്തുമെന്നും എല്ലാ ജനവിഭാഗങ്ങളോടും സത്യസന്ധമായും പ്രതിബദ്ധതയോടെയും പ്രവർത്തിക്കുമെന്നും സത്യപ്രതിജ്ഞ ചെയ്ത വ്യക്തിയാണ് വി. അബ്ദുറഹിമാൻ എം.എൽ.എ. പ്രത്യേക പരിരക്ഷയും സംരക്ഷണവും ഉറപ്പുവരുത്തേണ്ട ഗോത്ര-ആദിവാസി വിഭാഗങ്ങളെ അധിക്ഷേപിച്ച് നടത്തിയ പരാമർശം മാധ്യമങ്ങളിലൂടെ ഏറെ പ്രചരിപ്പിക്കപെട്ടിരുന്നു. അതിനെ തുടർന്നാണ് തിരൂര് എംഎൽഎ സി മമ്മൂട്ടിയുടെ ഈ പരാതി.
#360malayalam #360malayalamlive #latestnews