യൂട്യൂബര് വിജയ് പി. നായരെ ആക്രമിച്ച കേസ്; ഭാഗ്യലക്ഷ്മിക്ക് ജാമ്യം അനുവദിച്ചു
യൂട്യൂബര് വിജയ് പി. നായരെ ആക്രമിച്ച കേസില് ഡബ്ബിംഗ് ആര്ട്ടിസ്റ്റ് ഭാഗ്യലക്ഷ്മി, ദിയാ സന, ശ്രീലക്ഷ്മി അറയ്ക്കല് എന്നിവര്ക്ക് ഹൈക്കോടതി ജാമ്യം അനുവദിച്ചു. ഉപാധികളോടെയാണ് കോടതി ജാമ്യം അനുവദിച്ചിരിക്കുന്നത്. ജസ്റ്റിസ് അശോക് മേനോനാണ് ജാമ്യാപേക്ഷ പരിഗണിച്ചത്.
തന്റെ മുറിയില് അതിക്രമിച്ച് കയറി സാധനങ്ങള് മോഷ്ടിക്കുകയും തന്നെ മര്ദ്ദിക്കുകയും ചെയ്ത പ്രതികള്ക്ക് മുന്കൂര് ജാമ്യം നല്കരുതെന്നും അങ്ങനെ ചെയ്തല് അത് തെറ്റായ സന്ദേശം നല്കുമെന്നുമാണ് വിജയ് പി.നായരുടെ അഭിഭാഷകന് കോടതിയില് വാദിച്ചത്. വിജയ് പി. നായരുടെ മുറിയില് അതിക്രമിച്ച് കടന്നിട്ടില്ലെന്നും മോഷണം നടത്തിയിട്ടില്ലെന്നും പ്രതികള് മുന്കൂര് ജാമ്യഹര്ജിയില് വ്യക്തമാക്കി. നേരത്തെ മുന്കൂര് ജാമ്യാപേക്ഷകളില് തീരുമാനമെടുക്കും വരെ മൂന്നു പ്രതികളെയും അറസ്റ്റ് ചെയ്യുന്നത് ഹൈക്കോടതി തടഞ്ഞിരുന്നു.
ജാമ്യാപേക്ഷയില് വാദം കേള്ക്കുമ്പോള് ഭാഗ്യലക്ഷ്മി അടക്കമുള്ള പ്രതികളുടെ നടപടിയെ ഹൈക്കോടതി വിമര്ശിച്ചിരുന്നു. നിയമം കൈയ്യിലെടുക്കുമ്പോള് അതിന്റെ പ്രത്യാഘാതം അനുഭവിക്കാന് തയ്യാറാകണം എന്ന് കോടതി പരാമര്ശിച്ചിരുന്നു.
#360malayalam #360malayalamlive #latestnews