ജയരാജനും ജലീലും കോടതിയിൽ ഹാജരായി ജാമ്യം എടുത്തു

തിരുവനന്തപുരം: നിയമസഭ കയ്യാങ്കളി കേസിൽ മന്ത്രിമാരായ ഇ.പി. ജയരാജനും കെ.ടി. ജലീലിനും ജാമ്യം എടുത്തു. തിരുവനന്തപുരം ചീഫ് ജുഡീഷ്യൽ മജിസ്ട്രേട്ട് കോടതിയിൽ ഹാജരായി  35,000 രൂപ വീതം കെട്ടിവെച്ചാണ് ഇരുവരും ജാമ്യം എടുത്തത്.

2015 ലെ നിയമസഭാ കയ്യാങ്കളിയുമായി ബന്ധപ്പെട്ട്  പൊതുമുതൽ നശിപ്പിച്ചതിനാണ് അന്നത്തെ എം.എൽ.എമാരായിരുന്ന ജയരാജനും ജലീലിനും എതിരേ  കേസെടുത്തത്.  കേസ് സ്റ്റേ ചെയ്യണമെന്ന സർക്കാർ ആവശ്യം ഹൈക്കോടതി നേരത്തെ തള്ളിയിരുന്നു. ഇതിനു പിന്നാലെയാണ് ഇരുവരും വിചാരണ കോടതിയിൽ ഹാജരായത്.