എടപ്പാൾ മേൽപ്പാലം: ടൗൺ അടച്ച് പണി തുടങ്ങി

എടപ്പാൾ: മേൽപ്പാലത്തിനായി തൃശ്ശൂർ-കോഴിക്കോട് റോഡുകളിൽ നിർമിച്ച ഭാഗങ്ങൾ തമ്മിൽ ബന്ധിപ്പിക്കുന്ന ജോലികൾക്ക് തുടക്കമായി. തിങ്കളാഴ്ച രാത്രി ഇതിനുള്ള ജോലികളാരംഭിച്ചെങ്കിലും ക്രെയിൻ തകരാറായതിനെത്തുടർന്ന് നിർത്തുകയായിരുന്നു.

ഇതു പരിഹരിച്ചശേഷം ചൊവ്വാഴ്ച രാത്രി ഒൻപതോടെയാണ് പണികൾ തുടങ്ങിയത്. ഇതോടെ പൊന്നാനി റോഡിൽനിന്ന് പട്ടാമ്പി റോഡിലേക്കും ടൗണിൽനിന്ന് തൃശ്ശൂർ റോഡിലേക്കുമുള്ള ഗതാഗതം തടസ്സപ്പെട്ടു. കുറ്റിപ്പുറം റോഡിൽനിന്ന് ടൗണിലേക്കുള്ള ഗതാഗതം നേരത്തേതന്നെ തടഞ്ഞിരുന്നു.