എടപ്പാൾ ആശുപത്രിയിൽ ഫിസിയോതെറാപ്പി യൂണിറ്റാരംഭിച്ചു
എടപ്പാൾ:പൊതുജനങ്ങൾക്ക് സൗജന്യമായി ഫിസിയോതെറാപ്പി സൗകര്യങ്ങൾ ലഭ്യമാക്കാനായി പൊന്നാനി ബ്ലോക്ക് പഞ്ചായത്തും ഗ്രാമപ്പഞ്ചായത്തും ചേർന്നാരംഭിച്ച യൂണിറ്റ് എടപ്പാൾ സാമൂഹികാരോഗ്യ കേന്ദ്രത്തിൽ പ്രവർത്തനമാരംഭിച്ചു. ബ്ലോക്ക് പഞ്ചായത്തൊരുക്കിക്കൊടുത്ത കെട്ടിടത്തിൽ ഗ്രാമപ്പഞ്ചായത്ത് 2.5 ലക്ഷം രൂപയുടെ ഉപകരണങ്ങളാണ് സജ്ജമാക്കിയത്. ആഴ്ചയിൽ രണ്ടു ദിവസം ഇവിടെവെച്ച് ഓരോദിവസം എടപ്പാൾ, വട്ടംകുളം പഞ്ചായത്തുകളിലും രണ്ടു ഫിസിയോ തെറാപ്പിസ്റ്റുമാരുടെ സേവനം ലഭ്യമാക്കുകയും ചെയ്തിട്ടുണ്ട്. ഫിസിയോതെറാപ്പി യൂണിറ്റ് പൊന്നാനി ബ്ലോക്ക് പഞ്ചായത്ത് പ്രസിഡന്റ് കെ. ലക്ഷ്മി ഉദ്ഘാടനംചെയ്തു. ഗ്രാമപ്പഞ്ചായത്ത് പ്രസിഡന്റ് പി.പി. ബിജോയ് അധ്യക്ഷതവഹിച്ചു. ബ്ലോക്ക് വൈസ് പ്രസിഡന്റ് പി.പി. മോഹൻദാസ്, മെഡിക്കൽ ഓഫീസർ ഡോ. അബൂബക്കർ, ഫിസിയോതെറാപ്പിസ്റ്റ് അമീൻ എന്നിവർ പ്രസംഗിച്ചു.
#360malayalam #360malayalamlive #latestnews
