ആലങ്കോട്ട് വിളയുന്നു കൂട്ടായ്മയുടെ മീറ്റർപയർ

ചങ്ങരംകുളം:ആലങ്കോട് കൃഷിഭവനും എ ഗ്രേഡ് പച്ചക്കറി ക്ലസ്റ്ററും ചേർന്ന് വിവിധ മേഖലകളിൽ കൃഷി കൂട്ടായ്മകൾ ഉണ്ടാക്കി. പച്ചക്കറിക്കൃഷിയിൽ സ്വയംപര്യാപ്തത നേടുകയാണ് ലക്ഷ്യം. പഞ്ചായത്തിലെ വിവിധ മേഖലകളിൽ പയർ, വെണ്ട, വഴുതന തുടങ്ങി വിവിധയിനം പച്ചക്കറികളാണ് ഈ കൂട്ടായ്മകൾ കൃഷിചെയ്യുന്നത്.

മണ്ണുത്തിയിൽനിന്ന് ലഭിച്ച ലോല ഇനത്തിലെ മീറ്റർ പയർ ഇവർ ഒരു ഏക്കറിൽ കൃഷി ഇറക്കിയിരുന്നു. കഴിഞ്ഞദിവസം വിളവെടുത്തു. ക്ലസ്റ്റർ കൺവീനർ സതീഷൻ, സുഹൈർ എറവറാംകുന്ന്, അബ്ദുള്ള മാളിയേക്കൽ, നിഷാദ് എന്നിവരാണ് കൃഷിക്ക് നേതൃത്വം നൽകുന്നത്. വിളവെടുപ്പ് പഞ്ചായത്ത് പ്രസിഡന്റ് സുജിതാ സുനിൽ ഉദ്ഘാടനംചെയ്തു, വാർഡംഗം അംബിക കുമാരി അധ്യക്ഷതവഹിച്ചു. കൃഷി അസിസ്റ്റന്റ്‌ പ്രൊഫസർ അബ്ദുൽ ജബാർ, കൃഷി ഓഫീസർ എസ്. സുരേഷ്, കൃഷി അസിസ്റ്റന്റ് വിജിത്ത്, ജഫീറലി പള്ളിക്കുന്ന്, ഷാഹിർ. ഇ.എച്ച്, ചിയ്യാനൂർ മോഡേൺ കർഷകസംഘം അംഗം റിയാസ് തുടങ്ങിയവർ പ്രസംഗിച്ചു