എടപ്പാളിലെ വ്യാപാരികളോട് മാത്രം വിവേചനമെന്ന് പരാതി

എടപ്പാൾ: കോവിഡ് വ്യാപനത്തിന്റെ പേരിൽ എടപ്പാളിലെ വ്യാപാരികളോട് അധികാരികൾ വിവേചനം കാണിക്കുന്നതായി പരാതി. പ്രദേശത്തെ ചില ഗ്രാമങ്ങളിൽ കോവിഡ് വ്യാപിക്കുമ്പോൾ എടപ്പാളിലെ കടകളടപ്പിക്കുക എന്ന സമീപനമാണ് അധികാരികൾക്കെന്നാണ് ആരോപണം. കടകളടപ്പിക്കുകയും ജനങ്ങൾക്കിഷ്ടംപോലെ മറ്റു ടൗണുകളിലേക്കടക്കം സഞ്ചരിക്കാൻ സൗകര്യമൊരുക്കുകയുമാണ് ഇപ്പോൾ ചെയ്യുന്നത്. നേരത്തെ അയിലക്കാട്, കോലൊളമ്പ് മേഖലയിലെ കോവിഡ് വ്യാപനത്തിന്റെ പേരിലും എടപ്പാൾ ടൗണാണ് അടച്ചത്. ഇപ്പോൾ ടൗണിലെ ഒരുഭാഗം മാത്രം അടപ്പിച്ചുകൊണ്ടാണ് പുതിയ നിയന്ത്രണം വന്നിട്ടുള്ളത്. എന്നും അടച്ചിട്ടുള്ള നിയന്ത്രണമേർപ്പെടുത്തുന്നവർ ഇതിലെ യുക്തികൂടി ആലോചിക്കണമെന്ന് ഏകോപനസമിതി പ്രസിഡന്റ് ഇ. പ്രകാശ് ആവശ്യപ്പെട്ടു.