നരിപ്പറമ്പിൽ മന്ത്രി കെ ടി ജലീലിൻ്റെ ഓഫീസിനു നേരെ അക്രമം.

മന്ത്രി കെ ടി ജലീലിൻ്റെ നരിപ്പറമ്പ് ക്യാമ്പ്  ഓഫീസിനു നേരെ അക്രമം. കല്ലേറിൽ ഓഫീസിൻ്റെ മുൻവശത്തെ ചില്ല് തകർന്നു. ഓഫീസിൽ മന്ത്രിയുടെ അഡീഷണൽ പി എ മജീദ് ഇല്ലിക്കൽ ഉണ്ടായിരുന്നെങ്കിലും അദ്ദേഹം പരിക്കേൽക്കാതെ രക്ഷപ്പെട്ടു. വ്യാഴാഴ്ച വൈകീട്ട് നാലോടെയാണ് മന്ത്രി കെ ടി ജലീൽ രാജിവക്കണമെന്നാവശ്യപ്പെട്ട് യുഡിഎഫ് പ്രകടനവുമായി ഓഫീസിന് മുന്നിലെത്തിയത്. സമരക്കാരെ പൊലീസ് തടഞ്ഞു. പൊലീസുമായി സമരക്കാർ ഏറെ നേരം മൽപ്പിടുത്തമുണ്ടായി. ഇതിനിടെയാണ് മന്ത്രിയുടെ ഓഫീസിലേക്ക് കല്ലേറുണ്ടായത്.