പാലായില്‍ കോപ്പിയടി ആരോപിച്ച് പുറത്താക്കിയ വിദ്യാര്‍ത്ഥിനിയുടെ മൃതദേഹം മീനച്ചിലാറ്റില്‍
കോട്ടയം- പാലായില്‍ കാണാതായ വിദ്യാര്‍ത്ഥിനിയുടെ മൃതദേഹം മീനച്ചിലാറ്റില്‍ കണ്ടെത്തി. കാഞ്ഞിരപ്പള്ളി പൊടിമറ്റം പൂവത്തോട്ട് ഷാജിയുടെ മകള് അഞ്ജു(20) ആണ് മരിച്ചനിലയില്‍ കണ്ടെത്തിയത്. ചെക്ക്ഡാമിന് സമീപത്തായി വെള്ളത്തില്‍ പൊങ്ങികിടക്കുന്ന നിലയിലാണ് മൃതദേഹം. വിദ്യാര്‍ത്ഥിനിയുടെ ബാഗും കുടയും ചേര്‍പ്പുങ്കല്‍ പാലത്തില്‍ നിന്ന് ലഭിച്ചിരുന്നു.കാഞ്ഞിരപ്പള്ളി സെന്റ് ആന്റണീസ് പാരല്‍ കോജജിലെ ബികോം വിദ്യാര്‍ത്ഥിനിയാണ് അഞ്ജു.
ബിവിഎം ഹോളിക്രോസ് കോളജില്‍ വെച്ച് നടന്ന അവസാന സെമസ്റ്റര്‍ പരീക്ഷയ്ക്കായി വീട്ടില്‍ നിന്ന് പോയതാണ് പെണ്‍കുട്ടി. എന്നാല്‍ അഞ്ജു കോപ്പിയടിച്ചുവെന്ന് ആരോപിച്ച് അധ്യാപകര്‍ ശാസിക്കുകയും പരീക്ഷാഹാളില്‍ നിന്ന് ഇറക്കിവിടുകയും ചെയ്തിരുന്നു.
ഇതിന് ശേഷമാണ് വിദ്യാര്‍ത്ഥിനിയെ കാണാതായാത്. എന്നാല്‍ കഴിഞ്ഞ എല്ലാ സെമസ്റ്ററുകളിലും നല്ല മാര്‍ക്കുണ്ടായിരുന്നുവെന്നും മികച്ച പഠനനിലവാരം പുലര്‍ത്തിയിരുന്നു മകളെന്നും കുടുംബവും പാരലല്‍ കോളജ് അധ്യാപകരും അറിയിച്ചു.വിദ്യാര്‍ത്ഥിനി കോപ്പിയടിച്ചുവെന്ന ആരോപണവും ഇവര്‍ തള്ളി. എന്നാല്‍ ഹാള്‍ടിക്കറ്റില്‍ പാഠഭാഗങ്ങള്‍ എഴുതിക്കൊണ്ടു വന്നിരുന്നുവെന്നും അതിനാലാണ് പുറത്താക്കിയതെന്നും ഹോളിക്രോസ് കോളജ് അധികൃതര്‍ അവകാശപ്പെട്ടു.
#360malayalam #360malayalamlive #latestnews
