എം ടി എം എൻ എസ് എസ് സപ്തദിന ക്യാമ്പ് തുടക്കമായി
എം ടി എം കോളേജ് എൻ എസ് എസ് യുണിറ്റിന്റെ ഈ വർഷത്തെ സപ്തദിനക്യാമ്പ് 'കിസ്മത് 2k23" താവളക്കുളം ജി എൽ പി സ്കൂളിൽ ആരംഭിച്ചു. മലപ്പുറം ജില്ലാ പഞ്ചായത്ത് ഡിവിഷൻ മെമ്പർ എ കെ സുബൈർ ക്യാമ്പ് ഉദ്ഘാടനം ചെയ്തു. ഇത്തരം കൂടിച്ചേരലുകൾ തിരിച്ചറിവിന്റേതു കൂടിയാകണമെന്നും മനുഷ്യനാവുക എന്ന പരമപ്രധാനമായ ദൗത്യം ആയിരിക്കണം യുവതയുടെ ലക്ഷ്യമെന്നും സേവന സന്നദ്ധ നേടിയ എൻ എസ് എസ് വളണ്ടിയർമാരെ ഇക്കാലത്ത് രാജ്യത്തിന് ഏറെ ആവശ്യമായ സമയമാണെന്നും ഉദ്ഘാടനം നിർവഹിച്ച് കൊണ്ട് അദ്ദേഹം പറഞ്ഞു.
ചടങ്ങിൽ എം ടി എം കോളേജ് ലൈബ്രെറിയൻ ഫൈസൽ ബാവ അധ്യക്ഷനായി. വാർഡ് മെമ്പർ സുമിത രതീഷ്, കോളേജ് യൂണിയൻ ചെയർമാൻ സലാഹുദ്ദീൻ എന്നിവർ ആശംസകൾ നേർന്നു. എൻ എസ് എസ് പ്രോഗ്രാം ഓഫീസർ ആഷിക് എൻ പി സ്വാഗതവും എൻ എസ് എസ് യുണിറ്റ് സെക്രട്ടറി ഐഷ റുബ നന്ദിയും പറഞ്ഞു
#360malayalam #360malayalamlive #latestnews
