ഫർണിച്ചറുകൾ നൽകി ജില്ലാ പഞ്ചായത്ത് മാറഞ്ചേരി ഡിവിഷൻ
മലപ്പുറം ജില്ലാ പഞ്ചായത്തിന്റെ മാറഞ്ചേരി ഡിവിഷനിലെ ഹയർ സെക്കൻഡറി സ്കൂളുകളായ വെളിയങ്കോട്, പാലപ്പെട്ടി , മുക്കാല വിദ്യാലയങ്ങൾക്ക് പ്ലസ് ടു അധിക ബാച്ച് അനുവദിച്ചതിന്റെ അടിസ്ഥാനത്തിൽ പുതിയ ക്ലാസ് റൂമുകളും ബാത്റൂമും ഒരുക്കുന്നതിനൊടൊപ്പo അടിസ്ഥാന സൗകര്യം ഒരുക്കുന്നതിന്റെ ഭാഗമായി കുട്ടികൾക്ക് പഠിക്കാൻ ആവശ്യമായ ആദ്യഘട്ട ഫർണിച്ചറുകൾ ജില്ലാ പഞ്ചായത്ത് വിതരണം ചെയ്തു. വിതരണ ഉദ്ഘാടനം ഡിവിഷൻ മെമ്പർ എ കെ സുബൈർ നിർവഹിച്ചു.
പാലപ്പെട്ടി സ്കൂളിൽ പി ടി എ പ്രസിഡന്റ് ഇ കെ ഇസ്മായിൽ, എച്ച് എം ദീപാഞ്ജലി, പ്രിൻസിപ്പൽ ഇൻചാർജ് മാലതി ടീച്ചർ തുടങ്ങിയവർ ഫർണിച്ചറുകൾ ഏറ്റുവാങ്ങി. വെളിയങ്കോട് സ്കൂളിൽ പി ടി എ പ്രസിഡന്റ് നിഷാദ്, എച്ച് എം അനിൽകുമാർ, പ്രിൻസിപ്പൽ നൂർ മുഹമ്മദ് തുടങ്ങിയവരും മുക്കാല സ്കൂളിൽ പ്രിൻസിപ്പൽ രമാദേവി, എച്ച് എം സരസ്വതി, പി ടി എ വൈ: പ്രസിഡന്റ് ശിവദാസൻ തുടങ്ങിയവരും ഏറ്റുവാങ്ങി. വിദ്യാലയങ്ങളെ മാതൃക വിദ്യാലയങ്ങളാക്കി ഉയർത്താൻ പൊതുസമൂഹത്തിന്റെ സഹകരണം ഉണ്ടാകണമെന്ന് ഡിവിഷൻ മെമ്പർ അഭ്യർത്ഥിച്ചു.
#360malayalam #360malayalamlive #latestnews
