തൃശൂർ പെരുമ്പിലാവിൽ പോലീസ് ഉദ്യോഗസ്ഥനെ വെട്ടിക്കൊലപ്പെടുത്താൻ ശ്രമം; ഒരാൾക്ക് വെട്ടേറ്റു
പെരുമ്പിലാവ് പാതാക്കരയിൽ പോലീസുദ്യോഗസ്ഥനെ വെട്ടിക്കൊല്ലാൻ ശ്രമം. കുന്നംകുളം സ്റ്റേഷനിലെ പോലീസ് ഉദ്യോഗസ്ഥനെയാണ് വടിവാളുമായി വെട്ടിക്കൊലപ്പെടുത്താൻ ശ്രമം നടന്നത്. കഞ്ചാവ് മാഫിയ സംഘമാണ് അക്രമത്തിനു പിന്നിൽ. പാതാകരയിൽ കഞ്ചാവ് മാഫിയാ സംഘങ്ങളായ ഇരുവിഭാഗങ്ങൾ തമ്മിൽ സംഘർഷം നടക്കുന്നെന്ന വിവരത്തെ തുടർന്നാണ് പോലിസ് സംഘം അവിടെയെത്തിയത്.
പോലീസിനെ കണ്ട ഇവർ പോലീസിന് നേരെ വടിവാളുമായി ആക്രമിക്കാൻ അമ്പതു മീറ്ററോളം ഓടിയെത്തുകയായിരുന്നു. ഇതിനിടെ പോലീസുകാരന്റെ വാഹനവുമായി അക്രമി സംഘം കടന്നു കളഞ്ഞു. ഈ സംഘം കൊരട്ടിക്കരയിൽ വെച്ച് കടവല്ലൂർ പുറവത്തൂർ വീട്ടിൽ ഷൈജ(50)നെ വെട്ടിപരിക്കേൽപ്പിച്ചു.
കുന്നംകുളം എസ്എച്ച്ഒ വിസി. സൂരജ്, എസ്ഐ സൂരജ് എന്നിവരടക്കമുള്ള പോലിസ് സംഘം പ്രതികൾക്കായുള്ള അന്വേഷണം ഊർജിതമാക്കിയിട്ടുണ്ട്.
#360malayalam #360malayalamlive #latestnews
