മാറഞ്ചേരി - സംരംഭകത്വ ബോധവത്കരണ ശില്പശാല സംഘടിപ്പിച്ചു
മാറഞ്ചേരി ഗ്രാമ പഞ്ചായത്തും പൊന്നാനി താലൂക്ക് വ്യവസായ ഓഫീസും സംയുക്തമായി ഗ്രാമപഞ്ചായത്ത് ഹാളിൽ സംഘടിപ്പിച്ച "എൻ്റെ സംരംഭം നാടിൻ്റെ അഭിമാനം " സംരംഭകത്വ ശില്പശാല ഗ്രാമ പഞ്ചായത്ത് പ്രസിഡൻ്റ് സമീറ എളയേടത്ത് ഉദ്ഘാടനം ചെയ്തു , വൈസ് പ്രസിഡൻ്റ് അബ്ദുൽ അസീസ് പുറങ്ങിപാട്ട് അധ്യക്ഷനായി .
പൊന്നാനി താലൂക്ക് വ്യവസായ ഓഫീസർ ലോറൻസ് മാത്യു , മുഖ്യ പ്രഭാഷണം നടത്തി . സംരംഭത്തിൻ്റെ പ്രസക്തിയെ സംബന്ധിച്ചും , സംരംഭങ്ങൾക്കാവശ്യമായ സർക്കാറിൻ്റെ സബ്സിഡികൾ , വ്യത്യസ്തങ്ങളായ സ്കീമുകൾ , ലൈസൻസ് എന്നിവയെ കുറിച്ച് വിശദീകരിച്ചു. നൂറിൽപ്പരം വ്യക്തികൾ പങ്കെടുത്ത, ശില്പശാലയിൽ പുതിയ സംരംഭങ്ങളെ സംബന്ധിച്ച ആശയങ്ങൾ പ്രാധാന്യങ്ങൾ,നിലവിലുളള നിയമങ്ങളെ കുറിച്ചുള്ള സംശയങ്ങൾ , എന്നിവയെ കുറിച്ച് ചർച്ച ചെയ്തു . മെമ്പർമാരായ ടി മാധവൻ ,നിഷാദ്, ബീന ടീച്ചർ, പെരുമ്പടപ്പ് ബ്ലോക്ക് പഞ്ചായത്ത് വ്യവസായ വികസന ഓഫീസർ എ.പി ജുവൈരിയ തുടങ്ങിയവർ സംസാരിച്ചു. വികസന സ്റ്റാൻറിങ്ങ് കമിറ്റി ചെയർപേഴ്സൺ ലീന മുഹന്മദാലി സ്വാഗതവും പഞ്ചായത്ത് വ്യവസായ കോർഡിനേറ്റർ റംസാൻ നന്ദിയും പറഞ്ഞു.
#360malayalam #360malayalamlive #latestnews