സ്കൂൾ കിറ്റുകൾ വിതരണം ചെയ്തു

പീപ്പ്ൾസ് ഫൗണ്ടേഷൻ നിർധനരായ വിദ്യാർത്ഥികൾക്ക് സംസ്ഥാന വ്യാപകമായി  നൽകി വരുന്ന സ്കൂൾ കിറ്റുകളുടെ പെരുമ്പടപ്പ് ഏരിയാ തല വിതരണോദ്ഘാടനം എരമംഗലം ഗൈഡൻസ് സെന്ററിൽ നടന്നു. വെളിയംകോട് ഗ്രാമപഞ്ചായത്ത് പ്രസിഡണ്ട് കല്ലാട്ടേൽ ശംസു ഉദ്ഘാടനം നിർവ്വഹിച്ചു. ജമാഅത്തെ ഇസ് ലാമി ജില്ല സെക്രട്ടറി  എം.സി.നസീർ അധ്യക്ഷത വഹിച്ചു.സ്കൂൾ ബാഗ്, വാട്ടർ ബോട്ടിൽ, നോട്ട് ബുക്കുകൾ, പൗച്ച്, പേന, പെൻസിൽ, റബ്ബർ, പെൻസിൽ ബോക്സ് തുടങ്ങിയവ ഉൾക്കൊള്ളുന്നതാണ് കിറ്റുകൾ. പീപ്പ്ൾസ് ഫൗണ്ടേഷൻ പെരുമ്പടപ്പ് ഏരിയ കോഡിനേറ്റർ അക്ബർ സ്വാഗതവും ഗൈഡൻസ് സെൻറർ സെക്രട്ടറി സി.മുഹമ്മദലി നന്ദിയും പറഞ്ഞു.