ഗ്രാമോത്സവമായി മാറി മലർവാടി ബാലോത്സവം

മലർവാടി ബാലസംഘം മുക്കാല ഘടകത്തിന്റെ അഭിമുഖ്യത്തിൽ മാറഞ്ചേരി തണൽ ഓഡിറ്റോറിയത്തിൽ നടന്ന മലർവാടി ബാലോത്സവം ഒരു നാടിന്റെ ഗ്രാമോത്സവമായി മാറി. കെ.ജി. മുതൽ 7ാം ക്ലാസ്സ് വരെയുള്ള കുട്ടികൾക്ക് വിവിധ കലാ - കായിക മത്സരങ്ങൾ നടത്തി. മലർവാടിയുടെ സന്ദേശം പ്രമുഖ ട്രൈനർ ജാബിർ സിദീഖ് പുത്തൻ പള്ളി നൽകി. തണൽ പ്രസിഡന്റ് എ.അബ്ദുൾ ലത്തീഫ് ബാലോത്സവം  ഉദ്ഘാടനം നിർവ്വഹിച്ചു. മലർവാടി ഏരിയാ വനിതാ കോ-ഓർഡിനേറ്റർ ജുബൈരിയ സിദ്ധീഖ് അധ്യക്ഷത വഹിച്ചു. യൂനിറ്റ് കോർഡിനേറ്റർ എ.മുഹമ്മദ് മുബാറക്, ടി. ഇബ്രാഹിം കുട്ടി, അബ്ദു കുഞ്ഞിമോൻ എന്നിവർ പ്രസംഗിച്ചു. സീനത്ത് മാറഞ്ചേരി വിജയി കൾക്ക് സമ്മാനങ്ങൾ വിതരണം ചെയ്തു.