ഈഴുവത്തിരുത്തി പ്രാഥമിക ആരോഗ്യ കേന്ദ്രം കുടുംബരോഗ്യ കേന്ദ്രമായി ഉയർത്തുന്നു; ഈവെനിംഗ് ഒ.പി ആരംഭിച്ചു
ജനപെരുപ്പം കൂടുതലുള്ള പൊന്നാനിയിലെ ആരോഗ്യ രംഗത്ത് വളരെയേറെ കാലമായി പ്രവർത്തിച്ച് വരുന്ന ഈഴുവത്തിരുത്തി പ്രാഥമിക ആരോഗ്യ കേന്ദ്രം, കുടുംബ ആരോഗ്യ കേന്ദ്രമായി ഉയർത്തുന്നു. ഇതിന്റെ ഭാഗമായി ഈവെനിംഗ് ഒ.പിയുടെ പ്രവർത്തനം ആരംഭിച്ചു. ഒ.പി യുടെ ഔപചാരിക ഉദ്ഘാടനം പൊന്നാനി എം. എൽ. എ പി.നന്ദകുമാർ നിർവഹിച്ചു. നിലവിൽ ഉച്ചവരെ മാത്രമാണ് കേന്ദ്രത്തിൽ ഒ. പി സൗകര്യമുള്ളത്. ഈവെനിംഗ് ഒ. പി തുടങ്ങുന്നതോടെ വൈകീട്ട് 6 മണിവര ഡോക്ടറുടെ സേവനം ആരോഗ്യ കേന്ദ്രത്തിൽ ലഭ്യമാകും.
ആരോഗ്യകേന്ദ്രത്തിൽ നടന്ന ഉദ്ഘാടന ചടങ്ങിന് നഗരസഭ ചെയർമാൻ ശിവദാസ് ആറ്റുപുറം അധ്യക്ഷത വഹിച്ചു. നഗരസഭ വൈസ് ചെയർപേഴ്സൺ ബിന്ദു സിദ്ധാർത്ഥൻ, സ്ഥിരം സമിതി അധ്യക്ഷൻമാരായ ഷീന സുദേശൻ, എം. ആബിദ, രജീഷ് ഊപ്പാല, കൌൺസിലർമാരായ പി.വി അബ്ദുൾ ലത്തീഫ്, ഗിരീഷ് ബാബു, മെഡിക്കൽ ഓഫീസർ ഡോ. ആഷിക് അമാൻ തുടങ്ങിയവർ സംബന്ധിച്ചു.
#360malayalam #360malayalamlive #latestnews
