പൊന്നാനി കേബിൾ സ്‌റ്റെയ്‌ഡ്‌ ബ്രിഡ്‌ജ് (ഹൗറാ മോഡൽ പാലം); വേഗത്തിലാക്കാൻ യോഗം ചേർന്നു

പൊന്നാനി കേബിൾ സ്‌റ്റെയ്‌ഡ്‌ ബ്രിഡ്‌ജിന്റെ (ഹൗറാ മോഡൽ പാലം) പ്രവൃത്തി വേഗത്തിലാക്കുന്നത് സംബന്ധിച്ച്   പി.നന്ദകുമാർ എം.എൽ.എ യുടെ നേതൃത്വത്തിൽ  കിഫ്‌ബി ,  ആർ ബി ഡി സി കെ , എൽ ആന്റ് ടി  എന്നിവയിലെ  ഉന്നത ഉദ്യോഗസ്ഥന്മാരുടെ  യോഗം ചേർന്നു എത്രയും  വേഗത്തിൽ   ടെണ്ടർ നടപടികൾ ആരംഭിക്കാൻ യോഗത്തിൽ തീരുമാനിച്ചു. പാലത്തിനാവശ്യമായ സ്ഥലവും സൗകര്യങ്ങളും അനുബന്ധ സ്ഥലങ്ങളും കൈവശപ്പെടുത്തുന്നതിന് നടപടി സ്വീകരിക്കാനും തീരുമാനിച്ചു . എം.എൽ.എ ആവശ്യപ്പെട്ട പ്രകാരം നിയമസഭാ കോൺഫറൻസ് ഹാളിൽ വെച്ച്  പൊതുമരാമത്ത് - ടൂറിസം വകുപ്പ് മന്ത്രി മുഹമ്മദ് റിയാസിന്റെ നേതൃത്വത്തിൽ ചേർന്ന യോഗത്തിന്റെ  തുടർച്ചയായാണ് എം.എൽ.എ യുടെ നേതൃത്വത്തിൽ  യോഗം ചേർന്നത് .

യോഗത്തിൽ കിഫ്‌ബി ഉന്നത ഉദ്യോഗസ്ഥരായ ഡോ. കെ.എം എബ്രഹാം , സത്യജിത് രാജൻ , കെപി പുരുഷോത്തമന് പി.എ ഷൈല , ഹരി എസ് പിള്ള , ജോസ് കുര്യൻ , രാജീവൻ , ചന്ദ്രൻ ചന്ദ്രേഷ് , ശ്രീരാജ് പി ,  ആർ ബി ഡി സി കെ ഡെപ്യൂട്ടി ജനറൽ മാനേജർ സലാം ,  എൽ ആന്റ് ടി കൺസൽട്ടന്റ് മാരായ ഗണേഷ് അയ്യർ , പി. മുരളി എന്നിവരും പങ്കെടുത്തു.